The Secret Of Red Rose (Complete)

27(Unicode)

''ညသန်းခေါင်.......ကြီး.....''

ဦးရီးတော်က ဖယောင်းတိုင်နှစ်ခုကို လက်ပံပင်ရဲ့ဘေး ပတ်ပတ်လည်တွင် ထွန်းထားလေတယ်။ လက်ထဲတွင်လည်းတစ်စုံတစ်ခုကိုင်လျက်။

''ကျိန်းဝေ......''

''လက်ထဲကဘာကြီးလဲဆိုင်းရက်စ်..........''

အရောင်တလတ်လတ်ထနေသော လေးထောင့်ဗူးတစ်ခု။

''လေးလပိုင်းရဲ့ဆယ့်နှစ်ရက်မြောက်နေ့ဘဲ........ကျိန်းဝေ.....ဘာနေ့လဲမှတ်မိလား......''

''ဆိုင်းရက်စ်ကဘယ်လိုသိတာလဲ......''

အံ့သြစွာပင်ကြည့်နေမိသည်။ သူ့မွေးနေ့အား  ဦးရီးတော်ကသိနေသည်လေ။

''ကိုယ့်ကို.......မင်းကြီးပြောပြတာ......''

အမှန်က မင်းကြီးကိုမေးခဲ့သည်ဆိုတာ ဦးရီးတော်နှင့်မင်းကြီးသာသိပါသည်။

''အဲ့တော့.....လက်ထဲက.....​မွေးနေ့လက်ဆောင်ပေါ့......''

''အင်း.....''

စိတ်လှုပ်ရှားစွာဖြင့် ယူလိုက်သည်။ အထဲတွက်ဘာများဖြစ်နိုင်မလဲမှန်းဆရင်း ရင်လည်းခုန်လာသည်။ သူ့အတွက်ပထမဆုံးမွေးနေ့လက်ဆောင်ပေးသည့်သူက ဦးရီးတော်ဖြစ်နေသည်က သူ့အတွက်အကောင်းဆုံးသောမွေးနေ့ဖြစ်နေနှင့်ပြီ။

အပေါ်ကိုနည်းနည်းမြှောက်လိုက်ပြီး

''နည်းနည်းလေးတယ်နော်ဆိုင်းရက်စ်.......အထဲမှာဘာတွေလဲမသိဘူး........''

လေးထောင့်ဗူးအား လှုပ်ခတ်လိုက်တော့ အသံတစ်ချို့ထွက်ပေါ်လာသည်။ သေချာပေါက် မာသည့်အရာတစ်ခုခု။

''မွေးနေ့မှာပျော်ရွှင်ပါစေကျိန်းဝေ........''

ညအချိန်။ လေအေးအေးတို့ကတိုက်ခတ်နေသည်။ လက်ပံပင်အောက်တွင် ဖယောင်းတိုင်၏ အလင်းရောင်သာရှိနေလေသည်။ သူ့မျက်စိရှေ့တွင် လှပလွန်းသော ကြွေရုပ်လေးတရုပ် ရပ်နေလေသည်။ လုံးဝအပြစ်ပြောရက်စရာပင်မရှိ။

ထိုကြွေရုပ်လေး၏ နှုတ်မှထွက်လာသောစကားလုံးတို့က ပျားရည်ကဲ့သို့ချိုမြလွန်းလှသည်။ ဦးရီးတော်က သူ့အား ထိုကဲ့သို့ မူးရစ်စေခဲ့ပါသည်။