#فصلية_لأخو_حبيبي
البارت16
ارسلان_الجاف
صباح الخير داده شونكم اخباركم اموت على تفاعلكم حبايب قلبي حبوبتي تسواهن تسلم عليكم وتكول لايك وكومنت فديتهم
كيان:لا ماراح يعرف منو راح يكله..هاج المبايل وحاجيهم
ملاك بتردد:والله اخاف يعرف فهد واخوك مايرحم من يعصب
كيان:اذا فهد عرف اني بعد ماتسمه رجال..هاج حاجيهم ومحد راح يكوله بس اني وياج نعرف
ملاك خذت المبايل منه:شكرا كيان على لطفك انته عكس اخوك الشيخ متسلط وعصبي وشرير.. حتى بالشبه تختلف عنه
كيان ضحك على براءتها:هو اخوي من ابوي بس
ملاك تفاجئت:صدك اشوف ماتشبهم..عمتي ربتك صح
كيان:اي هي مرت ابوي بس احبها مثل امي اصلا ماذكر على امي توفت واني صغير..بس ام فهد ربتني مثل اولادها بالرغم اني ابن شريجتها وصارت امي
ملاك:هو الانسان شماخذ من هالدنيا ليش يتكبر
كيان:اي صح..يالله اتصلي على اهلج قبل مايدخل عليج فهد وماتلكين هيج فرصة مرة ثانية
ملاك:اوك عادي اروح بالغرفة
كيان:اي اخذي راحتج..الرمز بأسم أمي بالانكليزي
ملاك: اوك... وانته تعشه..ودخلت الغرفة... بس دخلت كيان اختفت ابتسامته ولزم راسه وتندم اعترفلها بمشاعره مهما يكون هي حرمة اخوه وبعد جم يوم تصير ام لاولاده...ملاك اتصلت على رقم ابوها لان حافظته وماتنساه ابدا وحاجته وظلت تبجي بس سمعت صوته من كال الو منو...وهي بجت بحركة وكالت بابا اني ملاك... وهو دموعه تفجرت... بعد عتاب طويل ودموع سألته عن صحته وعن امها وهو يسأل عنها...كلتله الحمدلله مرتاحة والكل طيبين وياي..بعد نص ساعة من الحجي والبجي خلصت المكالمة تخاف يجي فهد فجأة بس تحمد ربها اطمنت على اهلها وكاللها ابوها سلام راح يطلع باجر وهي فرحت وحاجت امها وريفان نست كل همومها وحتى نست حجي كيان الها...طلعت وانطته تلفونه وشكرته هواي...
ملاك شافته مالامس صينية الاكل:شنو ماتعشيت لهسة
كيان بجذب:اي تذكرت أكلت العصر وظنيت نفسي جوعان..طلع جكارة وشعلها..اطمنتي على اهلج
ملاك :اي الحمدلله وسلام يكول ابوي باجر يطلع
كيان:اها الف مبروك
ملاك ظلت تكح من الدخان واخذت صينية العشه وشالتها من طاولة الكزاز مالت الطقم ودت الصينية وكفت ورتبت المطبخ وطلعت شافته بعده يدخن...
ملاك:لو اعرف شنو بيها هل الجكارة شكد تسحبون بيها
كيان ضحك:ليش؟؟زعجتج الجكاير
ملاك:اي والله وهم ريحتها مو حلوة ومضرة للصحة..اريد اشوف شنو طعمها حتى تحبوها هل كثر
كيان:ماتفيدج..قبل جنه مانفهم مراهقين ونظن بالجكارة نصير رجال وجربناها وتعلمنه عليها
ملاك:اكدر اثبتلك حتى لو ادخنها ماتعلم عليها ابدا..و وبحركة سريعة خذت منه الجكارة الي بيده..
كيان مايكدر ياخذها منها لأن مايكدر يلمس ايدها...
كيان كام:لا ملاك ماتفيدج..تركيها...ملاك ماهتمت لحجيه وسحبت نفس منها وظلت تكح حيل وعيونها صارن حمر..بس رجعت سحبت منها مرة ثانية
كيان:ملاك تركيها كافي
