#فصلية_لأخو_حبيبي
بارت 45
ارسلان_الجاف
داده شونكم اخباركم ان شاء الله زينين يله لا تنسون لايك والكومنت حبايب كلبي
فهد:هو بكيفج ترجعين بعد كافي صارلج اسبوعين هنا
ملاك:وعندك عادي تدخل بيت كتال اخوك
فهد:الماضي راح والي صار قضاء وقدر ومايقصد..اصلا هو دخلني هنا وعمتي هم
ام سلام ابتسمت:يمه مهما يكون الخلاف الي بينكم حلوو بهدوء وحدكم..واحنه ماراح ندخل..عن اذنكم..وراحت امها...
ملاك:اني ماراح ارجع وياك وماتكدر تغصبني ارجع
فهد اقترب منها:واني ماجيت آخذ رأيج..ترجعين وياي رضيتي لو مارضيتي
ملاك تراجعت ليورى:ماريدك
فهد ابتسم:بس اني اريدج
ملاك:انته شكيت بيه وبشرفي صعبة عليه ارجع الك
فهد :آسف جانت غلطة وماتنعاد
ملاك:الي يشك مرة يشك الف مرة
فهد بصدق:بعد مستحيل اشك بيج ابدا
ملاك:مستحيل اصدكك انته ماراح تنسه الموضوع ابدا وراح تظل تشك بيه وبأخوك
فهد:مايهمني شي غيرج
ملاك:مارجع الك
فهد:مو بكيفج ترجعين
ملاك:شنو غصب
فهد:اي غصب
ملاك:بس مو راضية اسامحك على السويته ومابيه طاقة اتحملك بعد
فهد :ملاك انسي الي راح وخلينه نرجع
ملاك:انته مستحيل تنسه السالفة حتى لو سامحتك ورجعت ولا اني راح انسه
فهدز:انعل ابو هالموضوع نسيته لخاطرج واريدج انتي وابني..ماريد اتذكر شي..انتي ألي وهالشي خلاني انسه كلشي..وبصراحة شي ثاني..قريت مذكراتج كلها مالكيت ولا شي عنه كل كتاباتج عني وبأسمي
ملاك بقهر:شلون تقره مذكراتي
فهد ابتسم:شفتهن بالمجر وشفته مقفول الفضول موتني شتكتبين عني..وكسرت القفل وقريت كل حرف
ملاك خجلت لأن كاتبه كل ذكرياتها ويه فهد وكل ليلة رومنسية كضتها وياه...
ملاك بخجل:كل حرف
فهد غمز الها:كل حرف
ملاك صارت حمرة من الخجل:ومنو سمحلك مو عيب تقره مذكرات شخص ثاني وتتطفل على افكاره
فهد:بس انتي مو أي شخص..انتي حبيبتي وزوجتي وام طفلي وثنينه واحد وماكو بينه اسرار...
ملاك تحمد ربها ماكاتبه شي عن فاتن وجسام لأن كلشي كاتبه وكيان قليل وعادي عدها يعني...ماكاتبه غير راح للحشد وهاي السوالف...
