#فصلية_لأخو_حبيبي
#البارت__56قبل لاخيرر
#ارسلان_الجاف
داده واخيرا ما قبل الاخير اذا تفاعل حلو باجر انزللكم البارت الاخير حبايب يله لا تنسون لايك والكومنت حبايبي
ملاك بعدها توها مخلصين خياطها وبدت تنزف من جديد...
الممرضات احتارو شيسون ومايعرفون النزيف منين بالظبط من الرحم لو من جرح بس هواي جاي تنزف....
وظلن يجيبن الخرقات كومة....
وحايرات وهي ميته ألم وماتدري شصاير وتكلهم عوفوني كافي وتصيح بألم....
صاحووو للدكتورة تجي تشوفها بنفسها لأنها تنزف حييييل....
اجت الدكتورة بسرعة تشوفها وتنقذها قبل ماتموت من النزييف....
ملاك ظلت تصرخ عوفوني...
الدكتورة عصبت:لج ماما انطينه درب لا تموتين من النزيف
ملاك ببجي:فدوة دكتورة متت ألم كافي...
الدكتورة تجاهلتها وهي تتألم آخر شي طاحت بالعلة وشافت النزيف سببه جرح بعده مفتوح من داخل.....
وكدرت تلحكها بالوقت المناسب وماحاجة يحطولها دم...
وكالت للممرضات نزلوها واخذوها لغرفة ثانية ولا تتحرك هسة لانها نزفت هواي....
نزلوها بس ملاك جسد بلا حركة من التعب وحتى حجي مابيها تحجي بعد صارت خيوط وتطيح بين ايدين الممرضات تعاونن عليها وحطوها بكرسي متحرك واخذوها لغرفة ثانية وحطنها وحتى مابيها تحجي وتكول وين ابني....
سهر جابته الها وحطته يمها بفرحة:الحمدلله على سلامتج كمر يخبل
ريم:الحمدلله على سلامتج
ملاك بتعب بالكوة يطلع صوتها:الله يسلمكم..فهد شلونه اكيد خايف
سهر ضحكت:ولج احتاري بعمرج هسة فهد مابيه شي وحتى لو اخترع من صريخج عادي كلها جم شهر ويسويلج ثالث هههههه
ملاك بتعب وصوتها مبحوح:الا اشنقه بعد
ام سلام:ههههه اوووه هذا حجي بعدين ياطلكة المنسية روحي وردي عليه ههههههه
ريم ابتسمت رغم حزنها:آخذ العنون اله يشوفه ما شافه لهسة..فدوة يخبش يشبهج ملاك كلش
ملاك من كل كلبها:يوم لألج وتفرحين بواحد
ريم ابتسمت بجذب:شكرا ماعتقد اصير ام حنونه اني هههه
سهر: ههههه وجمالج ولج ليش ماتصيرين ام حنونه
ريم بحزن:الي جنت احبه وينتظر جهالي راح بعد ماعتقد يصيرلي واهس للأمومة
ملاك متألمة حيييل:الله يرحمه ويصبرج
سهر:اي والله الله يصبرج
ام سلام:الله يرحمه يمه وباوعي بعين الله هو خذاه وهو ياخذه من كلبج وهذا طريقنه
