#فصلية_لأخو_حبيبي
#البارت42
#ارسلان_الجاف
رجعنالكم داده مثل كل يوم لا تنسون لايك والكومنت حبايب كلبي فوديتكم
بعد ما اطمنو على فهد...كيان كال لسلام ملاك هنا وهي هم حالتها خطره سلام انفجع وجن جنونه على اخته وماهدأ خطية صار يندعي وخايف...
الدكتور كلهم هي بغيبوبة واحتمال تصحه هل الاسبوع بس اذا استمرت اشهر ماراح تكعد...
الكل عبالهم ملاك جانت بالحادث ويه فهد.....
كيان رجع فاتن وامه للبيت ورجع للمستشفى بقه يم اخوه...
وسلام راح البيت وكال لأهله كلهم يبجون عليها...
سهر سوت البيت عزاء من البجي على فهد وغزل...
واجت امينة وحنان بس سمعت جاية بالطريق لان طريق جيتها بعيد...
كل العائلة اجو زارو فهد وهو بعده ماكعد...
وكل اهل ملاك اجوها حتى بيت عمامها وخالاتها...همه عبالهم جانت بالسيارة ويه فهد وسوو حادث....
--------''-'''-''-------'
التفت على صوتها وراه صاحت بأسمه...وشافها غركانة بدمها وتبتسم اله برغم دمها الي يجري وكأنها تباوعله نظرات وداع...
التفتت وتريد تروح...
فهد صاح:ملاك وين رايحة
ملاك التفتت:رايحة بعد مشوفني
فهد بقهر:لا ترحين لا تركيني..اني ماكدر اعيش من غيرج..انتي حياتي
ملاك بحزن:بس انته شكيت بيه وظنيتني خنتك ويه اخوك واني بريئة...وقتلت ابنك هاي ثاني مرة تقتل ابنك
فهد كلبه نعصر:لا هذا ابني اعرف هذا ابني..اعرف مالمسج احد غيري..وهذا ابني..تعالي وياي
ملاك دارت وجهها:هو مات بعد مايفيد..مو بس هو..فهد انته قتلتني اني وابنك واني بريئة...الوداع يافهد...
ومشت عنه وصارت بعيدة... ومايكدر حتى يصيح......!!!!!!!!!!!! ويحس بثكل فوك راسه وجسمه مايساعده يمشي وراها....
~~~~~~~~~~~~~~
فتح عيونه وباوع للسكف ابيض وبراسه ألم مو طبيعي...
عقد حواجبه من الألم...وجسمه يحسه مقطع قطع من الالم..وحاول يرفع ايده ماكدر..تذكر ملاك وحلمه...
حاول يرفع نفسه ماكدر...ظل يحاول يكوم مايكدر..وتذكر كيان مانزل من قبل فترة حمل ملاك غير قبل ايام...يعني مالمسها ابدا...
يردد بداخله...لا مالمسها احد غيري قتلت ابني وقتلت ملاك...ويريد يكوم...
دخل الممرض وابتسم:انته كعدت الحمدلله على سلامتك ياشيخ فهد
(راح احط نقط بين كل كلمة يكولها فهد لأن يلفظ حجيه بصعوبة)
