#فصلية_لأخو_حبيبي
بارت 34
ارسلان_الجاف
دادي شونكم اخباركم بارت هديه الكم الخاطركم لا تنسون لايك والكومنت حبايب لان هواي طلبو نزل بارت هديه
ملاك سكتت عن البجي وظلت تباوع وصفنت..
فهد : ملاك..ماجاوبته...
فهد صاحلها بهدوء مرة ثانية: ملاك شبيج
ملاك بهدوء بدون ماتباوعله:نعم
فهد :تردين اجيبلج امي
ملاك :لا..وانته هم تكدر تروح تنام..راح اكون بخير
فهد :اني باقي يمج وراح انام هنا خاف تحتاجين شي او تردين تكومين ترحين الحمام كعديني...
ملاك ماجاوبته...
نام يمها عالسرير ودار وجهه عنها وهو شايل هموم الدنيا بكلبه...غمض بتعب وغفه...
ملاك ماتكدر تنام مخنوكة وألم بطنها ماينحمل وبقت هيج لمن اذن الفجر مابيها تنام...
فهد وهو نايم حضنها حيل...مايحس بنفسه...
ملاك انزعجت بسبب الم بطنها:فهد..فهد
فهد فتح عيونه:نعم..وشاف نفسه حاضنها وخر بسرعة..احم تحتاجين شي
ملاك بألم:روح صلي
فهد :بعدها بطنج توجعج
ملاك هزت راسها بأي...
فهد :اجيبلج العلاج..لو اكلج خلي اصيح لأمي...وكام توضه وصله صلاته...وطلع راح يصيح لأمه...دك الباب جانت كاعده تصلي ودخل...
فهد :صباح الخير يمه
ام فهد :صباح النور..يمه خير صاير شي
فهد كعد يمها وتنهد:ملاك فقدت الطفل
ام فهد انفجعت:وينها وشوكت..وكامت..
فهد كام:مساع الفجر اخذتها المستشفى ورجعنه
ام فهد لزمت وجهه بيديها:الله يعوضك يمه لاتحزن
فهد :لا يمه هاي حكم الله..روحي يمها اليوم اكو كعدة..لازم انام شوي مانمت صارلي يومين..وشكلها مانايمة من ألم بطنها..اذا مانمت اليوم الكعدة تنحل بمصيبة
ام فهد نزعت محرم الصلاة:لا تفكر بيها يمه اني يمها.. فهد باس راسها وطلع وراح لغرفته يم سهر.......
يوم ثاني اتصلت على امها وكالتلها واجتها هي وريفان...
مرت اسبوعين وملاك تحسنت بس بعدها شوي حزينة لان حالتها هي وفهد مو زينة...
هو يعاملها ببرود وهي شكد حاولت تحاجيه بس هو نفس حالته...
سهر تحس بالسعادة تشوف علاقة فهد وملاك هبطت وخلالها الجو...
