#فصلية_لأخو_حبيبي
بارت 31
ارسلان_الجاف
داده شونكم اخباركم ان شاء الله بخير حبايب كلبي لا تنسون لايك والكومنت حبايب
ملاك😒:بالوحدة يالنصاب..ساعة بال3 يالله خليتني انام
فهد ضحك:الليلة الي وراها راح اخليج تنامين بال9 بعد شتردين
ملاك كامت:اي سمعتها مرتين ههههههه
فهد:وين كايمة
ملاك:صلاتي قضاء كالعادة بسببك مافزيت الفجر..كوم نصلي..والله صرت كافرة بسببك
فهد دفعها بمزح:كافرة بسببي..ملاك رادت تطيح داخت...
فهد كام الها ولزمها:هاي شبيج
ملاك:مابيه شي بس نعسانة
فهد:روحي سبحي هسة يروح النعاس...سبحت ملاك وصلت وفهد كذلك...
بدل ملابسه ولبس دشداشة شكرية و شماغ ابيض..ملاك خلت قسم من ملابسه هنا يمها وفهد جاب اثاث جديد لغرفتها وسرير شخصين اخيرا..جان يكلها احب هالسرير لان مابيج تتحركين وتبقين بحضني للصبح..ويكلها اغير الاثاث كله بس السرير لا وهي تضوج وهو يضحك.....
لبس ساعته ومحبسه العقيق بيده اليمين ورش عطره...ملاك تراقبه وهي كاعدة عالسرير...
فهد راح يمها:ركبي البصمات وسديهن...(البصمات لونهن ذهبي)
ملاك انزعجت وهي تشكل البصمة مالت الدشداشة:شنو هاي فهد جكاير من الصبح
فهد رفع حاجبه:هاي شبيج توني كعدت مالحكت ادخن جكارة
ملاك سادة خشمها:ريحتك كله جكاير
فهد:هاي الباكيت يمج مالمسته من البارحة..وتوني سابح وفرشت اسناني وسبحت بالعطر بعد منين اجت الجكاير..وبعدين مو جديدة انتي متعودة شلي تغير اليوم
ملاك:ماعرف بس اشم بيك جكاير وكرهت عطرك حتى مو حلو
فهد بمزح:هسة انطيج كف واعدل مزاجج هذا..يالله طالع تردين شي
ملاك:لحظة ماتتريك
فهد:تدرين بيه اتريك..الصبح ماشتهي آكل..اشرب كهوة هسة
ملاك:من الجكاير وهل الكهوة ماتشتهي تاكل الصبح
فهد:لا تصيرين امي..امشي مسحي الكحل من عيونج اليوم كله ماراح اكون موجود
ملاك:ومنو هنا غير زيون
فهد:حتى ولو..مسحيه ماريد احد يشوفه عليج غيري..صح وين بوستي
ملاك راحت اله وباست خده..بس فهد خمطها ببوسة بشفتها... (هاي شنو هالتغير 😲)
ملاك وخرت عنه وتريد تجلطه:فهد..ركبتك
فهد:شبيها
ملاك بمزح:بيها أثر جبير
فهد راح للمراية بسرعة:اموتج اذا صدك..وباوع لركبته ماكو شي..تجذبين عليه ها...
