فصلية_لأخو_حبيبي
#بارت28
#ارسلان_الجاف
فاتن ضحكت:بس مارحت اعدل جهرتي ..سويت ملاك مرة متزوجة هسة صدك بينت متزوجة
كيان التفت الها وهي جفلت من الاحراج..
كيان سوه نفسه مو مهتم وعادي:ماكو تغيرات نفسها ملاك
ملاك سكتت وماجاوبت..
فاتن:احلف كل هل التغيرات وتكول ماتغيرت
كيان:شعرفني بهل السوالف
ملاك:هسة راح نرجع للبيت لو نتناقش بهل الموضوع..
كيان :مرت اخوي صارت عصبية
ملاك تريد كيان ينساها:لا مو عصبية..اصلا سعيدة اليوم زوجي يرجع..واجيت ارتب نفسي حتى استقبله
كيان انقهر:اي الله يهنيكم مرت اخوي..وشدد على الكلمة حيل...
ملاك تتظاهر ماهماها:شكرا يوم لألك ونشوفك عريس.. والله والله بنفسي اروح ويه عمتي اخطب الك احلى بنية
كيان :مشكورة لو ردت اتزوج اختار بنفسي ماريد احد يختارلي..راح اتزوجلي مصلاويه
ملاك:اي تستاهل مصلاوية تركية اجنبية المهم تتزوج
كيان :ومنو كال انتظر احد اكيد راح اتزوج واختارها بنفسي
ملاك:اي وشتنتظر ماتتزوج
كيان:بس خل يصير لصلاح سنة واتزوج..واريدج انتي تزفيني يامرت اخوي
فاتن مستغربة من مجادلتهم:هاي شبيكم الا شوي كل واحد يضرب الثاني
ملاك حست بنفسها:ماكو شي خل نرجع البيت راسي يوجعني حيل...
مشه كيان ورجعو البيت..وام فهد ماعرفت ملاك من شافتها وسهر اشتعلت نار من داخل من شافت ملاك هيج تغيرت وصارت احلى من قبل...
كلهم كالو حلوة حتى نور...
وزيون يمازحها ويضحك...
كضه اليوم واجه المغرب وملاك خايفة حيل شراح يكون ردة فعل فهد من يشوفها والاكبر الوشم تكول راح يموتني على الوشم كله من فاتن....
وتتظاهر بعدم الاهتمام وتكول شما يريد يسوي خل يسوي...طلعت وكعدت يمهم بالصالة..
زيون وفاتن وبنات فهد وعمتها كلهم بالصالة....
البنات يلعبن وحدة تركض وره الثانية ويضحكون ملاك كامت تلعب وياهم...
ملاك تسوي نفسها تخوف:اجاكم وحش الخالة..
فطومة وزنوبه صرخو يتظاهرون بالخوف ويركضون وملاك تركض وراهم...
زيون:شوفو هل الوحش شكد كيوت وحلو هههههه
ملاك عثرت وزين ماطاحت:وغبي وفاهي ههههههه
فاتن:ولج كعدي ركدي اليوم مسويتج مرة رزنة..هسه الي يشوفج عباله بت فهد الكبيرة
