#فصلية_لأخو_حبيبي
#بارت44
#ارسلان_الجاف
داده شونكم اخباركم ورجعنه من جديد يله بلشو😊 لايك وتعليق حبايب
فهد:اي الله كريم..تلفونه رن شافه الدكتور كلبه نخبص..رد بخوف..هلا دكتور
الدكتور:استاذ فهد زوجتك فاقت من الغيبوبة
فهد مايعرف شيكول من الفرحة:اوك جايكم..وسداه..
جسام:خير صاير شي
فهد:زوجتي فاقت من الغيبوبة
جسام ابتسم:الف مبروك كرت عينك شيخنا
فهد:شكرا..واتجهو للمستشفى...
دخل المستشفى بلهفة وهو مشتاق مليون مرة مو مرة...
هل الايام هاي صارت عليه سنين مو أيام...
حاس دكات كلبه خنكته وصارت بلعومه...
ويريد يوصل لبابها بس...وصل لباب الغرفة...
ونبضات كلبه سبقته....
وكف يتأمل الباب ومتردد يدخل لو لا...
الدكتور طلع من الغرفة الي بيها ملاك...
الدكتور:اهلا استاذ فهد تريد تشوف زوجتك
فهد بهدوء:شلون صحتها دكتور
الدكتور:تمام التمام والجنين كذلك..بس شوي جسمها ضعيف بسبب الغيبوبة ل10 ايام
فهد :اها المهم تكون بخير
الدكتور:اي..تكدر تشوفها..بس والدتها هنا والممرضات هسة يطلعون
فهد :اوك..مشكور دكتور
الدكتور:ولو هذا واجبي..تفضل
فهد دخل بهدوء وعيونه تترقب تشوفها وكلبه ينبض بكل شوق...
اول مادخل اجت عيونه عليها...وهي اول ماشافته جفلت من الخوف بس لاحظت ايده مجبسة وجرح بجبينه مكانه بعده...امها جانت يمها...
ملاك تمسكت بأمها حيل وبخوف:يمه
ام سلام شافت فهد دخل:هلا يمه قرت عينك...
ولاحظت خوف ملاك...
فهد:وعينج عمتي....الممرضات الثنين طلعن...
ام سلام وكفت:اني استأذن لحظة واجي
...تريد تخليهم وحدهم...
ملاك بخوف لزمت امها بتعب:ماما لا تركيني..لا ترحين وظلت تبجي
ام سلام لزمت وجها:اسم الله عليج يمه ليش خايفة..هاي زوجج هنا هسة ارجع...
فهد سكت وبقه يتأملها وهي خايفة منه وحقها روعها وظلمها...انكسر كلبه على الي سواه بيها ..وخوفها منه ألم روحه...
فهد بهدوء:عمتي لا تخافين عليها اني هنا
ملاك تريد تكوم من السرير:لا لا ماما تخليني وياه..ماريد ابقه وياه
