#فصليه_لأخو_حبيبي
بارت 39
ارسلان_الجاف
مسائو داده شونكم اخباركم ان شاء الله زينين رحتو زياره لو بعد المهم لا تنسون لايك وكومنت حبايب كلبي
كيان مو فاهم شي:شبيها ملاك
امينة:مرت اخوك حامل
كيان كأنه سهم اجاه بنص كلبه ويكول بكلبه : اه منك من كلب انساها وارتاح كافي عذاب راح تصير أم لأبنه كافي ياكلبي كافي ارحمني من هالمرض الي خليته بيه..حرام حرام حرااااااااااااام...
كيان :مبروك ياخوي
فهد :الله يبارك بيك يوم لأشوفك عريس..صح ماتفكر تتزوج انته مو صغير
كيان :لا ماريد اتزوج هسة..ويا مرة تزوج واحد مهدد بالموت كل يوم
فهد :اسم الله عليك..وتره اني وامك من زمان قررنه نخطبلك
كيان:ومافكرتو تاخذون رأيي..اني ماريد اتزوج
ام فهد :ليش يمه بخاطري افرح بيك وازفك واشوف جهالك قبل لا اموت
كلهم:اسم الله عليج.....
كيان :اسم الله عليج يمه
امينة:اي صدك ياخوي نريد نفرح بيك شوكت
حنان:والله بخاطرنه نفرح بيك ونشوفك عريس..شكد حلو لمن نشوفك مرتاح وجهالك يمك ومرتك
فهد :لاتفكر بشي انته بس قرر ومن اليوم اخلي امي وامينة يشوفولك بت الحلال..وكلشي عليه..واذا تريد بيت الك ماعندي مشكلة من اليوم اروح اشوفلك ارض وتبنيها شلون ماتريد والتكاليف لا تهمك ابد
ام فهد :اي يمه شتريد وشنو يريحك بس وافق
كيان :بس اني ماريد اتزوج ليش تلحون بالموضوع..سدوه وشوكت ما قررت اني اكوللكم
فهد :براحتك هاي حياتك
امينة ابتسمت:خاف ابالك بنية معينة
كيان :اي شايفلي فد وحدة معدلة تقضي على الزلم وتخلي الابدان ترجف اكبالها وحجيها كله جيلات (طلقات)وماتخون صاحبها ابد
حنان ضحكت:وابوها الساتر هههههههه..يمعود كل حياتك راح تبقه تحجي بالتفكه (السلاح)
كيانز:اني هاي حياتي..صديقي الساتر وحبيبتي التفكه
فهد كام:اذا غيرت رأيك تعالي..عن اذنكم..رايح للديوان..وطلع..
حنان:الشيخ فهد زوجته الثالثة الديوان شعنده كله كاعد بيه
امينة:يجوه زلم دوم
كيان:ويكعد يدخن جم باكيت
ام فهد : على الاساس انته مادخن
كيان :زيون وين راح
حنان:اكيد يلعب بوبجي ماعرف شنو شايفين هل اللعبة..زوجي كله مجابلها ومن احجي كأني احاجي نفسي..يخلص الكيم ويكلي ها شكلتي مساع..شفتو حظي
