#فصلية_لأخو_حبيبي
#بارت55
#ارسلان_الجاف
مساء الخير داده شونكم لا تنسون لايك والكومنت حبايب كلبيفديتكم انطلقو
ريم بدوامها بالمستشفى بغرفة المراجعة....جاي تسلي نفسها بتلفونها ماكو مراجعين قليل...
شافت تلفونها رن باوعت للمتصل ابوها....
ماردت وطنشت....صارله شكثر يتصل ماترد ويجي لفهد بالديوان وتكول لزيون كول ريم بالحمام لو ريم نايمة وتتحجج وماتروح يم ابوها ماتريد تحاجيه....
اتصل لمن تعب وماترد.....حتى امها تتصل واخوها وما ترد بس ترد على خواتها...
رن مرة الخ...ضاجت رادت تقفله حتى مايتصل...
شافت رقم فهد...استغربت متصل وتكول شصاير لو يسمع ميته ريم مايتصل عليه حتى من اتأخر على البيت مايتصل....
ردت ريم:الوو
فهد:ريم ابوج يتصل عليج ليش مجاي تردين
ريم بهدوء:ماريد احاجيه
فهد:ريم الله يرضه عليج ردي وحاجيه اعرف الي سواه بيج صعب بس يبقه ابوج
ريم:انته متصل حتى تكلي ردي عليه
فهد:هو مريض ورايد يشوفج
ريم:اوك هسة اتصل..مع السلامة...
وسدته حتى بدون ماتسمع وداعه....
اتصلت على ابوها وحاجته بس بالكوة وبس بالرسميات تحاجيه...كلبها ماعاد مثل اول...كلشي تغير عدها...
خلص دوامها واتجهت للبيت....
سهر جاي تمسح الصالة وملاك توها طالعة من غرفتها وبيدها شاهين...
حست بشي على ظهرها يمشي نكتت نفسها بس حست حركته قوية حطت شاهين على القنفة وبدخلت فهد للصالة....
سهر صرخت:ملاك عنكبوت شكبره عليج
ملاك صرخت ونكتت نفسها وظلت تفتر...تحرك وصار على وجها وصرخت بخوف ونزل بصدرها صرخت اكثر وسهر هم تنكت بيها...ملاك من الرعب نزعت الدشداشة وما لابسة غير الملابس الداخلية....
فهد واكف وميت ميت ضحك....
ملاك انتبهت على ضحكت فهد وباوعت لنفسها بس بالداخليات وبالصالة وكبال سهر وفهد...ماتت خجل ولبست الدشداشة بسرعة لأن العنكبوت راح....وشنو من عنكبوت جان يخوف اصفر وشكبره اول مرة بحياتها تشوف مثله...
فهد بعده يضحك بصوت:طلعتي علينه الكرة الارضية كلها...انتي وبطنج هههههههههه
سهر ميته ضحك:وطلعت كرشها وهي معصعصه صايرة هههههه
ملاك بخزرة:تضحكون عليه مو اشرار انتي وزوجج..اني الك شرير..خذت شاهين وحطته بحضن فهد..اليوم كله عليك ماريد اشوفه
