#فصليه_لأخو_حبيبي
#بارت 38
#ارسلان_الجاف
مساء الخير داده شونكم اخباركم ان شاء الله زينين حبايبنه لا تنسون لايك والكومنت فديتهم
فاتن:وانتي ملاك ماكو شي
ملاك : ماعرف
فاتن:وانتي كله ماتعرفين..هذاك الطفل طاح وانتي ماتدرين بنفسج حامل شنو السالفة
ملاك :والله ماجنت اعرف اني حامل جانت متأخرة عليه بس ماحطيت ببالي لأن كله هيج تتأخر عليه من قبل لا اتزوج ومرات توصل للشهر..ومن جنت حامل ماعرفت اعراض الحمل جانت خفيفة..يعني بس دوخة وكرهت ريحة الجكاير موت
فاتن:ان شاء الله تكونين حامل عن قريب
ملاك : الله كريم....وراحو يم البنات...وبعد ساعة فهد اتصل على ملاك...
ملاك : الوو هلا حبي..سمعت يمه صوت بجي...شصاير فهد وينك ماجاوب
فهد بهدوء: ملاك ديري بالج على البنات احنه نتأخر
ملاك بخوف:خير خو ماكو شي
فهد بحزن:الطفل متوفي صارله ايام
ملاك شهكت:لا تكول وسهر وينها
فهد : يمي راح اخذها للمستشفى..لازم ينزلونه
ملاك انقهرت عليهم:يعمري انته لا تحزن العوض عند الله ان شاء الله
فهد :والنعم بالله..يالله رايح
ملاك:بالسلامة..وسدته...
نور:خالتي ماما وبابا ما راح يجون
ملاك كلش ضاجت:لا يتأخرون شوي.....
صار الليل...
سهر منهارة وصايرة مثل المجنونة وماتصدك ابنها ميت وماتقبل تسقطه...اما فهد كلش اختنك بس مابيده شي على أمر الله ويكول الحمدلله على كل حال...
بقو ليوم ثاني بالمستشفى وملاك نامت يم البنات وزينب حركت الدنيا بجي على امها بس فاطمة لا نومتها ملاك...
رجع فهد الفجر كلش تعبان امه هناك وياها بس هو مايكدر يتركهم وحدهم بالمستشفى...
ملاك تعبانة من بجي زينب وبالكوة مسكتتها ومنومتها...
وهي نايمة بلا غطى يم البنات...نور وفاطمة كل وحده بسريرها وملاك غافية يم سرير زينب وهي كاعدة ومسنده راسها على السرير...
فهد راح لغرفة ملاك مالكاها كال اكيد يم البنات وراح لغرفة البنات..دخل بهدوء وشافهم نايمين..وشلون نايمة ملاك انقهر عليها...
وكف يتأملهم بحب كلهم...ويكول الحمدلله على كل حال طفلين الله ماقسمهم الي بس عندي 3 وردات وملاك حبيبتي..وسهر صح مشكلجية بس تحبني...
