#فصلية_لأخو_حبيبي
البارت 27
ارسلان_الجاف
صباحو داده شونكم شخباركم بارت لعيونكم الحلوه بس لا تنسون لايك والكومنت فديتكم
ملاك : كتبت:ياشيخ اكيد تحبك هي هم دامها خذتك وانته شايب عليها وهم مو وسيم ولا شخصيتك قوية
فهد: ههههههه اي وشايب عليج هم..وحظرها..
ملاك ماتت قهر ماكدرت تستفزه ثقته بنفسه قوية... دزتله بس ماوصلن خط واحد واختفت صورته عرفت حظرها وسدت التفلون وحاولت تنام...
ماكدرت كلشي يمر ببالها ذكرياتها وياه اول ماجته فصلية واول ماخذاها بذاك البيت بالمزرعة وهاي جانت اسوء ليلة بذكرياتها...
غفت بعد تعب...الصبح دكت عليها فاتن وكلتلها راح نجي عليج اني وكيان...
ملاك ضاجت من سمعت راح يجون وراها ياخذونها راح ترجع لهناك وبدلت غصبن عليها حتى اخوها ماشافته..اتصلو عليه كلوله انزل ماقبل وكال ماكدر انزل واشوف ملاك واواجهها ماكدر بسببي انذلت وراحت فصلية....
ملا لبست عبايتها ودعت اهلها بدموع وتنطت المبايل لريفان وكلتلها قفليه وضميه يجي يوم اخذه...وبالكوة طلعت من يمهم..صعدت السيارة...
ملاك بهدوء:سلام
كيان وفاتن: وعليكم السلام
فاتن:ملوكه حياتي اشتاقيتلج موت
ملاك:وانا بعد
فاتن شبيه صوتج
ملاك:مابي شي يمكن بديت اطيح فلاونزة
كيان :شكلج مضايجة لان فاركتي اهلج
ملاك:اي صح
فاتن: يالله الجيات هواي ان شاء الله...كيان حبيبي ودينه للعنوان الي كتلك عليه
كيان :شعندج هناك
فاتن:سوالف بنات
كيان حرك السيارة:انتم البنات ماتخلص سوالفكم..
ملاك كله ساكته وتفكر بأهلها..وتذكر شكثر تونست ويه ريفان وضحك وسوالف...بهل ال4 ايام تغيرت نفسيتها شوي وحتى كيان ماكامت تفكر بيه...اصلا كله تذكر اوقاتها ويه فهد حتى من يضربها ويعصب...
كيان وكف السيارة:فاتن الج ساعتين وبعدها اجيكم والله اموتج اذا تكليلي ماخلصت
فاتن:هات بوسه..وباسته بخده..كلش كافي اصلا
كيان ضرب راسها بخفة:لا تبوسيني بالشارع احنه
ملاك:فاتن شنسوي هنا
فاتن:نزلي وتعرفين
ملاك:لا ماريد انزل ولج شصخم بالصالون..ونحرجت من كيان..
كيان ضحك:يالله نزلي وبلا دلع انتم متفقات بعد ليش التغلي
ملاك نزلت بسرعة وره فاتن:بالعباس اليوم اموتج وين جايبتني هنوب كدام كيان يبووو والله فشله هسة يكول جايه تعدل جهرتها لزوجها وراح يتخيل كلشي وكلاشي عني
