#فصلية_لأخو_حبيبي
#البارت52
#ارسلان_الجاف
مساكم الله بل خير داده شونكم اخباركم ويه الحر شونكم ولا تنسون لايك والكومنت حبايب كلبي فديتكم
ملاك سكتت وكلبها نقزها من غضب فهد وهم خافت راح يكلها شبيه خايفة يكون مريض او او راح يموت نفضت هل الافكار واجذب على نفسها وتنطي نفسها كل شوي سبب وشنو بيه فهد وتكول لا ماترهم...
وصلو ونزل وشال شاهين..وهي نزلت ودخلو البيت
الكل كاعدين بالصالة...
ام فهد ومنى وسهر مو مصدكه هالبنية زوجة فهد...
وريم كاعدة يمهم بعدها بعبايتها وكاعدة بثقة ولا هازها شعره....
منى مو مصدكه فهد تزوج وخايفة من الجاي....
دخلو فهد وملاك...
الكل فزو من مكانهم...
زيون شررد كال راح تصير حرب...
وملاك مستغربة منو هاي الكاعدة بينهم...
منى كلبها دك حيييل...
سهر كامتله: فهد صحيح الي تكوله هاي... منو هالبنية
فهد بهدوء:زوجتي...
كلهم سكتو...
ملاك انصدمت:شنوووو...شتكول اكيد تمزح
فهد :مو تردين تعرفين شبيه..وأشر على ريم..هاي زوجتي وعلى سنة الله ورسوله..وراح تكون حالها حالكم انتي وسهر
ملاك ضحكت:لا اكيد تمزح انته..شنو زوجتك..فهد كافي مزح مو وكت هالمزح
فهد:شايفتني امزح..ريم زوجتي
سهر سكتت وكعدت وماردت ومصدومة من فهد...
ملاك صاحت:جذب انته اكيد تجذب عليه..لا لا ماصدك تزوجت
فهد سكت...
ملاك بصياح:ليش..ليش..شقصرنه..نسيتنه اني وسهر..ليش فهمني ليش
فهد:صوتج لا تعلينه عليه فهمتي
ملاك شمرت عبايتها:لا ماراح اسكت على هالشي مو اني الي تجي عليه مرة ثانية فهمت..فهمني ليش..ليييييش..كالتها بصياح...
فهد:صوتج كتلج..لا تكولين ليش وما ليش هي صارت مرتي وتقبلي الموضوع وسكتي
ملاك بعصبية:لا احلف اتقبل الامر واسكت..لا ما حزرت ياحبيبي...
وراحت للغرفة وهي غضبانة...وشاهين ظل يبجي...
ام فهد:يمه انا احاجيها
فهد:لا يمه انا احاجيها..منى لو سمحتي اخذي ريم...
ماكمل سمع ملاك تكسر الاشياء بالغرفة وتصرخ حيل... انطه شاهين لأمه وراح دخل الغرفة...
سهر سكتت وكلش انقهرت ودها تحرك ريم....
