#فصلية_لأخو_حبيبي
بارت 49
ارسلان_الجاف
هلو داده يله بلشو بتفاعل داده حته نزل بشكل يومي حبايب لا تنسون لايك والكومنت حبايب كلبي
ملاك كامت:اويلي صلاة الصبح قضاء ياربي والله راح اروح لجهنم بسببك انته وابوك
فهد:شوف تذب بلاها علينه هي تتعاجز من الصلاة واني وابني نبتلي
ملاك:اي اي اتعاجز شرير لو ابنك يسهرني وماكعد للصلاة
فهد باس خشمها:تحملي عمري هاي كله جهاد الج ماسامعة عن جهاد الأم من تحمل بالطفل لمن تجيبه وتفطمه تعتبر مجاهدة في سبيل الله..وغير اطاعتها لزوجها
ملاك:اي والنعم بالله والحمدلله
فهد:مع انو انتي مو كلش مطيعة والعناد شالعة كلبي بيه بس هم احبج..هههه..
ملاك خزرته:شوكت ما طعتك ياشرير
فهد حط اصبعه بعينها بالخفيف:مو كايلج هل العيون لا تخزر لا اطلعهن الج
ملاك:هسة اعضك مو بس اخزرك
فهد : جربي تعضين اسويج بنفسجية..والله ابني خطية اخاف اعوره جان هسة سويتج زركة من العض
ملاك ضحكت:كون ابقه حامل للأبد حتى ماتكدر تسويلي شي تخاف على ابنك ههههههههه
فهد غمز الها:اي جيبي هذا اوعدج ماطولين شهر
ملاك فتحت عيونها:والله اموتك بعد مو تكول جهال
فهد:هو بكيفج بعد اريد 4
ملاك:ولا نص واحد بعد
فهد:لا تخليني ازيد العدد ها تره ها
ملاك:😭مو انته ماتشيلهم ولا تتحمل ألمهم ولا تسهر ولا تولد بعد شهامك
فهد:هو انتي ماجربتي الولادة بعدج
ملاك:جا شكو بطن منو بطن جيرانه
فهد حط خشمه بخشمها وابتسم:ماتردينه عوفينه
ملاك باست خشمه:اعوف الدنيا كلها ولا اعوفكم بس هيج اكول ههههه..انتم احبابي فديتكم..وبوست خده وشفته بالخفيف وعيونه..
فهد:ابني جاي يباوع تره..ابني اعرف راح تنحرف من وره امك الرومنسية
ملاك ضحكت: هو اني شسويت هنه بوسات
فهد:ابني راح ينحرف شوفي يباوعلنه ويبتسم واسنونه يضحكن مو كاملات ههههه
ملاك ضحكت:ثنين جوى وثنين فوك وشابعنه عض
فهد:هاي نور معلمته اكيد
ملاك:ههههه لا هو محد شابع عض منه غيرها خطية اول امس عضها بذانها
فهد:مو بيده شرير على كولت امه
ملاك:اي عليمن يعني قابل عليه
