#فصلية_لأخو_حبيبي
البارت15
ارسلان_الجاف
حبايبي لا تنسون لايك والكومنت هاي بارت الحلا باجيات بل كون استمتعو وقرائه ممتعه
فاتن ابتسمت:بعد مانرجع من العزيمة اني اسأله واخليج تحاجين اهلج من تلفوني بعد شتردين
ملاك بخيبة أمل:اعرف ماراح يوافق هذا شرير والله
فهد دخل وعاقد حواجبه:منو الشرير
ملاك ماتت خوف وتكول بكلبها:يمه ولا تفوته احد يحجي عليه كلمة
فاتن ابتسمت تريد تنقذ الموقف:فهد شوكت نروح بيت عمي
فهد:هسة..كومي لبسي عباتج يالله
فاتن:لحظة وملاك مابدلت
فهد :الفصلية ماتروح تبقه بالبيت
فاتن:ليش خطية خلها تروح تتونس ويه البنات وشلون تبقه وحدها
فهد :فاتن ماعليج بشي بلا مناقشة وروحي لبسي عباتج دقيقة واشوفج يم السيارة
فاتن انكسر كلبها على ملاك وراحت بقهر...
فهد بتحذير:ديري بالج تطلعين من البيت او تفتحين الباب لأحد ولا اشوف عتبتي باب الصالة افصل راسج عن جسمج..وطلع وركع الباب بقوة..
ملاك حزنت ماخلاها تروح وياهم وحزت بنفسها ودموعها طاحن بقهر...بقت ساعة تبجي بقهر ومحتارة وين تروح وهي وحدها وضاجت...مسحت دموعها وغسلت وجها وطلعت من الغرفة وهي مدنكه ورفعت راسها شافت كيان كاعد على قنفات الصالة ويدخن..كلبها ظل يدك حيل ولاحظت نفسها بلا حجاب ولبسته بسرعة جان على جتافها..عبالها وحدها بالبيت...كيان اول مرة يشوفها بلا حجابها من بعد اول لقاء اله بيها...تذكر اول ماشافها بيت ابوها جان جاي لسلام وحباها من اول نظرة وشغلت تفكيره وخلت كلبه يدك حيل من اول نظرة وحتى بدون مايحاجيها او يعرف عنها شي...
ملاك تحم حمت:عبالي محد اكو احد بالبيت
كيان طفه جكارته:فهد كالي ماراح ترحين وياهم بيت عمي وخلاني ابقه بالبيت لأنج وحدج
ملاك:اها...اي راسي يوجعني وبطني توجعني مارحت
كيان :تره اعرف هو مخلاج ترحين لا تبررين اله
ملاك انحرجت منه جذبت عليه:كيان اسفة
كيان شكد يحب تكول اسمه:على شنو
ملاك :لأنك شفت اخوك يموت كدامك بسبب صديقك الي هو اخوي
كيان :اي اني ماحاقد عليه بس صعبان عليه ارجع وياه مثل اول ملاك:اي مهما يكون هذاك اخوك
كيان :اي وانتي لا تتأسفين على شي مالج ذنب بيه انتي هم ضحية هالسالفة واجيتي فصلية وانذليتي شكثر
ملاك دنكت ولزمت دموعها ماتطيح:وانحرمت من اغلى الاشياء بحياتي..امي وابوي واخواني ومدرستي و......وسكتت...
كيان:وشنو بعد
ملاك تريد تغير الموضوع: انته ماتعشيت صح اكيد جوعان اسويلك شي تاكله
كيان كام الها وتقدم عليها وكف كبالها وهي ارتبكت وكلبها يدك حيل....
كيان:ملاك لازم اكولج شي راح انفجر اذا ما كلتلج اعرف هالشي غلط واكبر غلط بس ماكدر اظمه بكلبي راح تكولين عني واحد خاين ويستغل غياب اخوه..بس والله هالشي مو بيدي انا احبج ومن سنة
ملاك تفاجئت وانصدمت بحجيه وتراجعت ليورى وظلت دموعها تنزل...
كيان:اسف على الكلمة بس هاي الحقيقة وانا اعرف انا مالازم افكر بيج لأنج مرت اخوي واصلا ما لازم اكولج هل الحجي..بس ردتج تعرفين لا اكثر
ملاك دموعها تنزل وتمسحن وينزلن اكثر وصرخت عليه:غلط غلط هالشي الي كلته غلط ومتأخر..سمعتني غلط غلط ولا ترجع تعيده مرة ثانية..وتريد تروح لزم ايدها..نفضت ايده بعنف..لا تلمس ايدي مرة ثانية فهمت
كيان بقهر:آسف والله آسف جنتي راح تصيرين فصليتي لو لا اعتراض امي ولحد هسة اعاني من هل الالم ومن اشوف فهد يأذيج ويمد ايده عليج اتألم اكثر...ماتحملت تكونين لأخوي ردت اروح للحشد وابتعد عن هنا بس منعوني هو وامي
ملاك صيحت عليه:مو اكلك الي تكوله غلط..انسه بعد ولا تفكر بيه..انا مرت اخوك تفهم مرت اخوك يعني حرام عليك حتى تباوعلي
كيان:اوك فهمت آسف على كلته انسيه واعتبريه ماسمعتيه ابدا ملاك بدموع:ياريتك ماكلته
كيان يغير الموضوع:كتلج انسيه وهسة مو توه سألتيني جوعان لو لا..بصراحة اي جوعان
ملاك مسحت دموعها بهدوء:هسة اسويلك شي تاكله..ودخلت المطبخ ودموعها نزلت بحرقة ولزمت حلكها حيل ...وبقت تبجي وتحس روحها راح تطلع من الي سمعته...وتكول...ياريتك ماكلته ياكيان ليش كلتلي ليش تحرك كلبي اكثر ما هو محروك..ليش ماخليتني هيج حتى انساك....بقت تبجي بحركة وبعد ما خلصن دموعها مسحت خدودها وصار بخدها اثر احمر كد ماتمسح دموعها وينزلن...جرت نفس وظلت تردد بكلبها...اني زوجة الشيخ فهد مالازم افكر باخوه حرام وخيانة لنفسي ولربي ولزوجي حتى لو ماصار زوجي من صدك مالازم اتأمل بكيان وانا متزوجة اخوه...سوت عشه لكيان ودته اله...
كيان نفسه مسدودة بس كللها جوعان حتى يغير السالفة..باوع لوجها بيه اثار دموع وجها احمر وخشمها كذلك...وده هسة يحضنها ويشمها ومايخلي دموعها تنزل ابدا..استغفر ربه وباوع بعين الله...
كيان كال خل الطف الجو:مسوية عشه حتى لبيت جيرانة شلون راح آكله وحدي..وابتسم..
ملاك بهدوء:ماعرف شتحب سويتلك جم اكلة ومنو تعجبك اكلها..ودارت وجها تريد تدخل الغرفة..
كيان:لحظة..انتي مو جوعانة تعالي أكلي وياي
ملاك بهدوء:لا ماشتهي عليك بالعافية
كيان:لعد تعالي كعدي يمي بس..اعتبريني اخوج منا وهيج وشنو تردين بس كوليلي
ملاك تذكرت اخوها:اريد اعرف شغلة وحدة
كيان:شنو هي بخدمتج اني
ملاك:لا تتعامل هيج وياي..لا تصير لطيف زياردة عن اللزوم
كيان:اوك راح اصير وياج نذل وحقير هيج احسن
ملاك تنهدت:ماكلت هيج اني
كيان:والله حرت وياج..شنو ردتي هسة
ملاك بهدوء: مو مهم... بس اريد اعرف اخبار اخوي طلع لو لا من السجن
كيان:فهد تنازل وسمعت منه انو الاجراءات تأخرت لذلك ماطلع لهسة بس يمكن بعد يومين او اكثر ماعرف
ملاك فرحت وحتى نست الي كاله كيان الها:صدك والله..شكرا كيان على هل الخبر..ماتعرف اخبار أهلي شنو
كيان: تحبين تحاجينهم من تلفوني مو مشكلة
ملاك:بس فهد راح يعرف
كيان:لا ماراح يعرف منو راح يكله..هاج المبايل وحاجيهم
ملاك بتردد:والله اخاف يعرف فهد واخوك مايرحم من يعصب...
يتبع
