တန်းစီနေသည့် လူတန်းမှာ နည်းနည်းလေးပဲဖြစ်တာကြောင့် တန်းစီရသည့်အချိန်မှာလည်း တခနပဲကြာ၏။ ဒီလိုနေရာကို လာချင်တဲ့သူတွေက တကယ်နည်းပါးသည်ပင်။ အဲဒီ လူနည်းနည်းထဲ တော်တော်များများမှာ ကုယန်နှင့် ယန့်ဆွေကျီးတို့လို အလုပ်ခရီးနှင့် လာကြသည့်သူတွေဖြစ်ကြသည်။ လူအနည်းစုမှာတော့ တရားမဝင် ဂြိုလ်တွေကြား ကူးလူးကုန်သွယ်သည့် ကုန်သည်တွေနှင့် တခြား ကိုယ်ပိုင်အကြောင်းကိစ္စတွေကြောင့် လာကြသည့် သူနည်းနည်းဖြစ်သည်။
ဆိုရိုးစကားရှိတယ်မလား ‘အရောင်စုံမှ ကမ္ဘာကြီး ဖြစ်တယ်’ဟူ၍။
ဒေကာမားမဖျ တစ်နေ့လုံး ပျားပန်းခတ်နေသည့် Newsa ဘူတာထက်ဆိုလျင် ဤဝိုင်မြို့ရှိ ဘူတာမှာ သေးလည်းသေးပြီး အိုဟောင်းနေသေးကာ ဗုံးဒဏ်တွေ မကြာခန ထိခံထားရသည့် ပုံစံရှိသည်။
ဒီဘူတာမှာက တစ်နေ့လုံးနေမှ လွန်းပျံယာဉ်တစ်စင်းပဲတွေ့ကာ အဲဒါတောင် မိနစ်နှစ်ဆယ်လောက်ပင် မနားဘဲ ခပ်လျင်လျင် ပြန်မောင်းထွက်သွားတတ်ကြတာဖြစ်သည်။
ဘူတာက အလုပ်သမားများမှာ အလုပ်ရှားလွန်းတာကြောင့် မှိုတောင် တက်တော့မလိုပင်။ ဆိုတော့ တချို့တွေက အပိုအလုပ်တွေတောင် လုပ်ရတော့၏။
“ ဆရာ၊ တက္ကစီ ငှါးအုံးမလား?”
“ ဒီဘူတာက မြို့လည်ခေါင်နဲ့ဝေးတော့ ကျွန်တော် ခေါ်သွားပေးလို့ ရမလား? ကျွန်တော် နေရာစုံဆီ ခေါ်သွားပေးနိုင်တယ်။ အပို ဝန်ဆောင်မှုအနေနဲ့ tour guide အနေနဲ့တောင် ဆောင်ရွက်ပေးနိုင်ပါတယ်။ စိတ်ဝင်စားမယ်ဆိုရင်ပေါ့။”
“ flyway ဈေး၊ မြေအောက် ဝိုင်ထုတ်လုပ်တဲ့နေရာ၊ Cavern ကုန်သွယ်ရေး အဆောက်အအုံ။ အိုး ဆရာတို့ထဲမှာလောင်းကစား သဘောကျတဲ့သူများရှိလားမသိဘူး။?”
ရင်းနှီးကျွမ်းဝင်သည့် မြင်ကွင်းနှင့် တစာစာအော်သံတို့က သူ့နားထဲ ဆူညံပွက်လောရိုက်လျက်ရှိသည်။ သူတို့ ထွက်လာကတည်းက လိုက်ကပ်ပါလာသော ထိုအသံတို့မှာ ဘူတာခန်းမကြီးကနေ ထွက်သွားတဲ့အထိဖြစ်သည်။
ဂုဏ်သရေရှိ ပရော်ဖက်ဆာယန်မှာ သူနားထဲ ပွက်ညံ ပွက်ညံလုပ်တာကို သည်းမခံနိုင်ချေ။ ဆိုတော့ ဒီလိုနေရာတွေကိုလည်း လုံးဝမကြိုက်။ သို့ပေမဲ့လည်း အခြေအနေ အကြောင်းကြောင်းကြောင့် သူ့မှာ မလွဲမရှောင်သာ လာနေရသည်။
YOU ARE READING
အထက်တန်း ရှေ့နေ ( ဘာသာပြန် )
Science FictionMaze university ရဲ့ ဥပဒေကျောင်းက မဟာဌာနမှူး တစ်ယောက်ဖြစ်တဲ့ ငယ်ရွယ်ပြီး အောင်မြင်ကျော်စောတဲ့ ယန့်ဆွေကျီးဟာ အသက် ၂၀ ကျော်အရွယ်ထိ ငယ်ရွယ်သွားအောင် မျိုးရိုးဗီဇ ပြုပြင်ပြောင်းလဲခြင်းခံထားရတဲ့ ခန္ဓာကိုယ်နဲ့ ပြန်နိုးထလာခဲ့တယ်။ လူတွေက သူ့ကို လွန်ခဲ့တဲ့ လ...
