ယန့်ဆွေကျီးက လေးလေးနက်နက်ဖြင့်
“ ရှိတယ်။”
Joshua ၏အသံမှာ ရုတ်တရက် စိတ်လှုပ်ရှားမှုကြောင့် တိုးမြင့်လာကာ
“ တကယ်လား?”
“ မင်းတစ်ခုပဲ လုပ်ပေးဖို့ လိုတယ်။”
“ ဘာလုပ်ရမှာလဲ?”
“ ဟိုးမှာ ကုတင်ဘေးက အနက်ရောင် ဗီရိုကိုတွေ့လား” ယန့်ဆွေကျီးက မေးသည်။
Joshua က ခေါင်းညိတ်ပြီး “ တွေ့တယ်။ ငါ ကန်းနေတာမှ မဟုတ်တာ။”
“ ဒါဆိုလည်း အဲ့ကိုသွား။”
Joshua မှာ သူ၏စကားကို ဘာမှ သဘောပေါက်ခြင်းမရှိ။ သူက ခေါင်းကုတ်ကာ ကုတင်ကို ကွေ့ဝိုက်ပြီး ဗီရိုကို သွားကန်လေသည်။
“ ပြီးတော့ရော၊ ခင်ဗျား လျို့လျို့ဝှက်ဝှက်တွေ လုပ်မနေလို့မရဘူးလား? တိုက်ရိုက်ပဲ တစ်ခါတည်း ပြောလိုက်လေ။ ခင်ဗျားရဲ့ နည်းလမ်းဆိုတဲ့ဟာကြီးက ဒီမှာ သိမ်းထားတာလား? ”
ယန့်ဆွေကျီးက အပြုံးနဲ့အတူ ခေါင်းညိတ်ပြလိုက်၏။
“ ဟုတ်တယ်။ အခု အံဆွဲကိုဖွင့်”
Joshua “ .. တစ်ခါတည်း အကုန်ပြောလိုက်လို့ မရဘူးလား? ပြီးတော့ရော?”
သူ့မှာ မျက်မှောင်ကြုပ်လျက် မရပ်မတန့်နိုင်စောဒက တက်နေ၏။ စိတ်မရှည်ဟန် ပေါ်နေပေမဲ့ ညွှန်ကြားသည့်အတိုင်းတော့ လိုက်လုပ်နေရှာသည်။
ယန့်ဆွေကျီး “ အထဲမှာ ဘာရှိလဲ တွေ့လား?”
Joshua “ အခွေတစ်ခု .. ခဲပြားလိပ်?”
ယန့်ဆွေကျီး၏အပြုံးမှာ ပို၍ ပီတီရွှမ်းလာကာ
“ အင်း အဲဒီဟာ။ မင်းလုပ်ရမှာက အဲဒါ ဖြဲယူပြီးတော့ မင်းပါးစပ်ပေါက်ကို ပိတ်ထားဖို့။ အဲဒါဆို ငါတို့ ဖြေရှင်းနည်းကို စဉ်းစားထွက်လိမ့်မယ်။”
Joshua “ ……….. ”
ချက်ချင်းဆိုသလိုပင် Joshua၏ လက်များက ရှေ့ကို ဆန့်ထုတ်လာ၏။
ယန့်ဆွေကျီးက ပြုံးလျက်ပင် “ မင်းအဲ့ ဗီရိုကို ဖျက်ဆီးရဲ ဖျက်ဆီးကြည့် မင်းရှေ့နေ မရှိတော့ဘူးမှတ်။”
YOU ARE READING
အထက်တန်း ရှေ့နေ ( ဘာသာပြန် )
Science FictionMaze university ရဲ့ ဥပဒေကျောင်းက မဟာဌာနမှူး တစ်ယောက်ဖြစ်တဲ့ ငယ်ရွယ်ပြီး အောင်မြင်ကျော်စောတဲ့ ယန့်ဆွေကျီးဟာ အသက် ၂၀ ကျော်အရွယ်ထိ ငယ်ရွယ်သွားအောင် မျိုးရိုးဗီဇ ပြုပြင်ပြောင်းလဲခြင်းခံထားရတဲ့ ခန္ဓာကိုယ်နဲ့ ပြန်နိုးထလာခဲ့တယ်။ လူတွေက သူ့ကို လွန်ခဲ့တဲ့ လ...
