အထက်တန်း ရှေ့နေ ( ဘာသာပြန် )

Chapter 18 ( evidence 1 )

Joshu dale ၏လက်မှာ ထိခိုက်ထားရတာမို့ သူ့ဘဝနေထိုင်မှုပေါ် သိသိသာသာ သက်ရောက်မှုရှိသွားရ၏။ အကယ်၍ သူတစ်ယောက်တည်းဆိုပါက အဆင်ပြေအုံးမည်။ သို့သော် ယခုမူ သူ၌ ကျန်းမာရေးမကောင်းဖြစ်နေသေးသည့် ညီမလေး ရိုစီလည်း ရှိနေသေးသည်ဖြစ်ရာ သူ့မှာ သူ၏လုပ်နိုင်စွမ်းကို ဖြန့်ချဲ့နေရ၏။

အိမ်ဟောင်းကြီးထဲမှာ မောင်နှမနှစ်ယောက် အဆာလွန်ပြီး သေနေကြမှာကို ကာကွယ်ဖို့ရန် ရက်အနည်းငယ်လောက် ကုယန်နှင့် ယန့်ဆွေကျီးတို့ တည်းခိုနေသည့် ဟိုတယ်၌ နေကြဖို့ရန် စီစဉ်ပေးရ၏။

Joshua dale မှာ အာမခံကာလအတွင်း ကန့်သတ်ချက်များစွာကို ခံရပြီး ၎င်းတို့မှာ သူနေထိုင်ရာမြို့မှ စိတ်ကြိုက် ထွက်ခွါခွင့်မပြုခြင်း၊ ပူးပေါင်းလိမ်လည်ခြင်းမှ ကာကွယ်ရန်အတွက် နစ်နာသူ၊ သက်သေခံများနှင့် တွေ့ဆုံခြင်းမရှိခွင့်တို့ဖြစ်သည်။

အရင်နေ့က သူတို့ပေါ် ရေပူပက်လောင်းခဲ့သည့် ကောင်လေးလိုမျိုး နစ်နာသူ Kitty Bell ၏ ဆွေမျိုးတစ်ယောက်နှင့်မျှ ခွင့်ပြုချက် မရှိဘဲ တွေ့ဆုံ၍ မရပါ။

သို့သော်လည်း သူ၏ရှေ့နေနှင့် တွေ့ဆုံနိုင်သည့် အချိန်ကိုတော့ ကန့်သတ်ထားခြင်း မရှိချေ။

ဘန်း..ဘန်း…ဘန်း

ယန့်ဆွေကျီး၏ အခန်းတံခါးမှာ တုန်ခါသွားရကာ ဤမျှလောက် အကြမ်းပတမ်းနိုင်သည်ကို ကြည့်လျှင် တံခါးနောက်က လူမှာ Joshua ကလွဲ၍ အခြားသူမဖြစ်နိုင်တော့။
ယန့်ဆွေကျီးမှာတော့ ပြတင်းပေါက်နားက ပက်လက်ကုလားထိုင်ပေါ် ဒဏ်ရာရထားသော ခြေထောက်ကို အသာချထားလျက် လက်‌ ပေါ်မေးထောက်ထားကာ အမှုဖိုင်တွဲလှန်လှောကြည့်နေတာဖြစ်သည်။

သူ့မှာ အသံကြားသည့်အခါ မော့တောင် မကြည့်လာဘဲ “ ဝင်လာပါ ” လို့အော်လိုက်၏။

သူ၏ဤအပြုအမူမှာ သူဌာနမှူးရုံးခန်းမှာတုန်းက လုပ်လေ့ရှိခဲ့သည့် အမူအရာနှင့် တစ်‌ ထေရောတည်းပင်။

ထိုအရာကို ကြားသည့်အခါ အီးမေးလ်တစ်ခုကို စာပြန်နေသော မျက်နှာချင်းဆိုင်က ကုယန်၏အကြည့်တို့မှာ တစ်ချက်မော့ပင့်လာပါ၏။