ထိန်းသိမ်းရေးစခန်းမှ သယ်ယူပို့ဆောင်ရေး ကားကို တရားရုံး ကားပါကင်မှာ ထိုးထားတာဖြစ်တယ်။ အစောင့်နှစ်ယောက်ဖြစ်တဲ့ ဂျော့ချ်နဲ့လီက ကားထဲဝင်သွားတယ်။ သူတို့က သေချာထိုင်ရရုံရှိသေး အမြောက်ဆံပစ်လိုက်သလို ဆွီးခနဲ သူတို့ဘေးကနေ ဖြတ်ပြေးသွားတဲ့ လူတစ်ယောက်ကို တွေ့လိုက်ရ၏။
“ အဲဒါ ဘယ်သူလဲ?” လီက တံခါးကို ဆွဲပိတ်လိုက်ပြီး ခါးပတ်ပတ်နေကာမေးတယ်။
ဂျော့်ချ်က အခုလေးတင် ပြေးသွားတဲ့လူကို ကြည့်ကာ တခနစဉ်းစားနေပြီးနောက် ရုတ်တရက်ထအော်တယ်။
“ Joshua Dale”
“ ဘယ်သူ?”
“ အခုလေးတင် ငါတို့ဆီက လွတ်လာတဲ့ Joshua dale လေ”
“ သေစမ်း။ အဲလောက်အနံ့ဆိုးနေတာ အံ့သြစရာမရှိဘူးပဲ။ ငါတောင် အနံ့ဆိုးကူးခံရတော့မလို့”
လုပ်ဖော်ကိုင်ဖက်ဖြစ်သူက လီဗာနင်းလိုက်တဲ့အခါ ကားက ရှေ့ကို ဝူးခနဲ ထွက်သွားတော့တယ်။ Joshua နောက်လိုက်နေရင်းနဲ့ ကားက အိတ်စောငွေ့တွေ တပုံကြီး ထုတ်လွှတ်ထားခဲ့တယ်။
အလုပ်အလေ့အကျင့်အရ ဒါမှမဟုတ် အလိုအလျောက်တုန့်ပြန်မှုအစွဲအရ ( conditioned reflex ) သူတို့က ပြေးနေတဲ့လူကို တွေ့ရင်နောက်ကနေ လိုက်ဖမ်းချင်လာတယ်။
သိတဲ့အတိုင်း ခြေနှစ်ချောင်းက ဘီးလေးခုကို မကျော်နိုင်ဘူး။ ဘယ်လောက်မှ မကြာလိုက်ခင်မှာပဲ ကားက အားသကုန်ပြေးနေတဲ့ လူကို လိုက်မီသွားတယ်။
ကားက ပြေးနေတဲ့သူနဲ့ အမြန်နှုန်းအတူသွားလိုက်ကာ မှန်ကို ချလိုက်ပြီး လီကအော်တယ်။
“ ဒေးလ်”
Joshua က သူတို့နှစ်ယောက်ကို တွေ့တာနဲ့ ဗိုက်နာလာတယ်။ သူက ပြေးနေရင်းနဲ့ ပြန်အော်ဆဲတယ်။
“ စောက်ရူးတွေ ငါအာမခံရပြီးပြီမဟုတ်ဘူးလား? ဘာလို့ ငါ့နောက် ထပ်လိုက်နေရတာလဲ?”
လီ “……..”
အဲ့လူ့တိရိစ္ဆာန်လေးက အဒီအောက်တန်းကျတဲ့ ပါးစပ်နဲ့အတူ နောက်ထပ်ရှစ်နှစ်လောက် ထပ်အပိတ်ခံရသင့်တယ်။
YOU ARE READING
အထက်တန်း ရှေ့နေ ( ဘာသာပြန် )
Science FictionMaze university ရဲ့ ဥပဒေကျောင်းက မဟာဌာနမှူး တစ်ယောက်ဖြစ်တဲ့ ငယ်ရွယ်ပြီး အောင်မြင်ကျော်စောတဲ့ ယန့်ဆွေကျီးဟာ အသက် ၂၀ ကျော်အရွယ်ထိ ငယ်ရွယ်သွားအောင် မျိုးရိုးဗီဇ ပြုပြင်ပြောင်းလဲခြင်းခံထားရတဲ့ ခန္ဓာကိုယ်နဲ့ ပြန်နိုးထလာခဲ့တယ်။ လူတွေက သူ့ကို လွန်ခဲ့တဲ့ လ...
