قبل يوم واحد
هل سمعت عن الانتقام البارد؟!هو مكافأة بطعم مر ولون أسود قاتم !!
انتفخت عروق رقبتها و هي تروي لها ما حدث:
-لولا حمزة كان هناك و قالهم أنها خطيبتي كان زماني بقيت تسليتهم
لطمت علي وجنتيها وهي تسألها:
-حمزة مين اوعي يكون الساكن الجديد يا نهار أسود و ده كان بيعمل أيه هناك ليكون صاحبه ومتفقين عليك
دمعت عيونها وهي تخبرها:
-لما أمير جمع أصحابه وقالهم عايز أعرفكم على زهرة الجبالي تبقي ولسة هيكمل تريقة أن كذبت عليه أن من حارة شعبية ادخل حمزة وقاله أن زهرة تبقي خطيبتي لأن كان مكلمه وقاله عازمك في عيد ميلادي وعامل مفاجأة و بعدها مشينا و مقلش ولا كلمة وصلنا لحد أول الشارع وخاف لحد يشوفنا مع بعض وبعدها دخل المستودع مع سليم وباشا وأرغد أنا خايفة من صخر
احتضنت شقيقتها حتى تهدأ:
-اهدي يا زهرة اللي حصل ده مش هيعدي
مسحت دموعها وهي تسألها:
-هتعملي أيه يا ليلي أنا خايفة صخر يعرف ده يخلص عليا
تنهدت الأخري بضيق:
-تقولي لي كل حاجة عنه، أنت مش عايزة حقك يرجع لك
-
شقة 'باشا'
بدلت ملابسها للمرة الرابعة جعلت الواقفة واضعة يدها اليمني فوق بطنها بسبب آلام الحمل تقهقه و هي تسألها:
-يا سمرة دي رابع مرة تغيري لما عرفت أن شاهر هنا هي أيه حكايتك معاه
اخفضت رأسها خجلاً:
-مش عارفة لكن بحب أوي أشوفه أنا شفته مرتين و سلم عليا و مشي لكن ..
لعقت شفتيها قائلة:
-أنا مش عارفه مالي أنا مش هنزل و هستني لما باشا يرجع و نرجع كلنا إسكندرية مع بعض
قهقهت ساخرة من ذلك الهراء:
-و فيها أيه يا سمرة لما تكون معجبة به هو صحيح شاهر طبعه صعب لكن طيب أوي ساعدني أول جوازي من باشا ، أهم حاجة أنت مش بتفكري في جاسر
تنحنحت وهي تخبرها:
-أنت عارفة أيه الفرق بين جاسر و شاهر
تبسمت وهي تسألها:
-أيه الفرق يا سمرة
استقامت من مكانها تمتمات شفتيها قائلة:
-في راجل بتحسي أنك ليه جاسر كنت معجبة به أنه أول راجل شفته مجرد أحساس زي أي ست معجبة براجل دافع عنها ، لكن شاهر من دمي حاسة أن ليه مش عارفه ليه مع أن شفته كام مرة يتعدوا علي الصوابع أوقات المشاكل
-
شقة 'رياض'
لا يستطيع النوم بسبب تلك الأفكار التي تقتحم رأسه، سأله الجالس عن أسباب خروجه في تلك الساعة المتأخرة:
-رايح فين يا حاج
قلب عيونه وهو يرد عليه:
-صالح مستنين في المستودع
تبسم 'طارق' و علي شفتيه ابتسامة عريضة:
-الحاج صالح عايز منك أيه
