"Ting Tong Ting Tong Ting Tong"
"Ting Tong Ting Tong Ting Tong"
"Ting Tong Ting Tong Ting Tong"
"ဟင်းးး"
အဆက်မပြတ်ထွက်ပေါ်လာတဲ့ ဘဲလ်တီးသံကြောင့် အိပ်ပျော်နေဆဲဖြစ်တဲ့ ဂျယ်ယွန်းရဲ့အသိစိတ်တို့ဟာ အိပ်မက်ထဲမှ လက်တွေ့အပြင်ကို ပြန်ထွက်လာချင်တင်တင်။
"Ting Tong"
"ဂျောင်ဝန်း"
မျက်လုံးတို့မပွင့်သေးသည့်တိုင်အောင် မျက်ခုံးတို့အနည်းငယ် တွန့်ချိူးလျက် ဂျယ်ယွန်းဟာ ဂျောင်ဝန်းနာမည်ကိုခေါ်ရသည်။
"ဂျောင်ဝန်း.. တံခါး.. တံခါးဖွင့်ပေးလိုက်ပါဦး ဂျောင်..ဝန်း.."
"Ting Tong"
အပြင်ဘက်မှ အသံတုပ်တုပ်မှမလှုပ်သလို ဘဲလ်တီးသံဟာလဲဆက်လက်ထွက်ပေါ်လာနေဆဲ။ ဂျယ်ယွန်းရဲ့ မျက်ဝန်းတို့မှိတ်ထားဆဲဖြစ်တဲ့ မျက်နှာရိပ်ဟာ ပို၍မကြည်မသာဖြစ်လာရင်းပဲ
"နီခီ .. နီခီရော ... နီခီ .. ဂျောင်ဝန်း .. အာ ကလေးတွေမရှိဘူးလား"
အပြင်ဘက်မှ ဘာလှုပ်ရှားတုန့်ပြန်မှုမှမရှိသည့်အခါ မျက်လုံးတို့လုံးလုံးမပွင့်လာသေးဘဲ ဂျယ်ယွန်းအိပ်နေရာမှ ငုတ်တုပ်ထထိုင်လိုက်သည်။
သေချာမပွင့်သေးတဲ့မျက်ဝန်းတို့နဲ့ပဲ နာရီကိုအားယူပြီးကြည့်လိုက်တော့ အချိန်ဟာ မနက် 8 နာရီ။
"ပိတ်ရက်မှာ မနက်အစောကြီးဘယ်သူလဲကွာ"
မကျေမချမ်းရေရွတ်ရင်း အိပ်ချင်မပြေသေးသည့်စိတ်ကြောင့် သေချာမပွင့်သေးသည့်မျက်ဝန်းတို့ကို လက်ခုံဖြင့်သာ ခပ်ကြမ်းကြမ်းပွတ်သပ်ပစ်လ်ိုက်ရသည်။ ထို့နောက်တွင်တော့ အိပ်မှုန်စုန်ဖွားဖြစ်ကာ မကြည်မလင်စိတ်အစဉ်လေးနဲ့ဂျယ်ယွန်းဟာ အိပ်ယာမှထ၍ အပြင်ဘက်ကိုဦးတည်ကာ ထွက်လာလိုက်ရသည်။
အခန်းအပြင်ဘက်တွင်တော့ ကျန်ကလေးနှစ်ယောက်မရှိပါ၍ တိတ်တိတ်ဆိတ်ဆိတ်။ တစ်ဝါးဝါးသမ်းရင်းပဲ ဂျယ်ယွန်းဟာ တံခါးဝဆီဦးတည်ရသည်။
"Ting Tong"
"လာပါပြီလို့"
တစ်ကိုယ်တည်းရေရွတ်လိုက်ရင်းပဲ ဂျယ်ယွန်း တံခါးကိုဖွင့်လိုက်သည်။
YOU ARE READING
Behind The Blue // SungJake
FanficBehind the blue, there were thousands of love I couldn't tell you.
