කමෙන්ට් ගෝල් 50
"ඉතින් කියනවා බලන්න!! තමුසේ ගල් ඉබ්බා , මාව තකහනියක් මෙතනට දක්කගෙන එන්න සාධාරණ හේතුවක්. කියනවා බලන්න!! තමුසෙ අල්ලපු පාර මගෙ අතත් රතු වෙලා...."
ආරුල් බිම බලා ගත්ත විශුද්ගෙ ඇඟට යක්ෂාවේසව කඩාගෙන පනින කොට හයියෙන් හුස්මක් අර ගත්ත විශුද් ආරුල් දිහා බැලුවා.
" මන්දාර ශිඛරය වෙත ඉක්මනින්ම යෑමට සූදානම්....."
විශුද් කට හදාගත්තෙ නිදහසට කරුණක් කියන්න උනත් ආරුල් ආයෙම මැද්දෙන් වෙළඳ දැන්වීමක් දැම්මා.
"තමුසෙ තකහනියක් මෙතනට මාව ඇදගෙන ආවේ මන්දාර ශිඛරයක් ගැන කියන්නද? ඈ පොසිල බුවෝ...? ලව් එක මගෙ නැගලම යනකොට දෛවයෙ සරදමදෝ කියලා තමුසෙ සඳූ නංගිවත් තල්ලු කරලා මාව මෙතනට ඇදන් ආවා නේද? පොසිල බුවා මේ.... මහ මැණිකේ විශුද් අහනවා.... ලව් වලට බාල්දි පෙරලන උන් තමා ඊලග ආත්මේ ලැට් බාල්දී වෙලා ඉපදෙන්නෙ මතක තියා ගනින්... ලැට් බාල්දියක් වෙලා මකරා නගින්නෙ නැති උනාම තේරෙයි උඹට"
වාසනාවකට වගේ විශුද්ට ආරුල් කියපු හෑල්ලෙ ලැට් බාල්දි සම්බන්ධ කොටස පිලිබඳව හරිහැටි අවබෝධයක් නොලැබුනා වගේම ඔහු ඒ කොටසෙ අර්ථය තේරුම්ගැනීමට උත්සාහා නොකල නිසා ඔහු තවමත් යහපත් තත්වයේ පසු උනා. ආරුල් දිහා ටික වෙලාවක් බලාගෙන හිටපු විශුද් ආරුල් එක්කලා වාඩි වෙලා හිටපු පරණ බෝක්කුව උඩින් රාජකීය ලීලාවෙන් නැගිටලා එක අතක් රාජකුමාර විශුද්ට ආවේණික ඉරියව්වකින් ඉදිරියෙන් තබා ගත්තේය නිකට ඉස්සරහට කරගෙන.
" ඔබේ අසිපතේ උරුමය ඔබේ කර....."
"ඒ පාර උඹත් පටන් ගත්තාද? ඈ..? රැවුල් බුවා මදිවට උඹත් පටන් ගත්තාද උරුමයක් ගැන කියන්න. මට ඔය වචනෙත් අප්පිරියයි අයිසෙ.... අසිපතෙ උරුමෙ අහනකොටත් බඩ කලතගෙන එන්නෙ. විශුවෝ... මම මොකක්ද තාත්තාට කියන්නෙ? තාත්තෙ මම මන්දාර පර්වතයක් හොයන් යනවා මගෙ කඩුව ගන්න කියලා? මන්දාර පර්වතෙ නෙවේ තාත්තා මාව අංගොඩ ගෙනියයි ඕක කිව්වොත්..... අනික උඹේ අයිතිකාරයො නැති නිසා කොච්චරවත් මම බැනුම් අහනවා. මම කියන්නයෑ උඹ පොසිල බුවෙක් කියලා. ඒ අස්සෙන් කෝස් එකක් කරන්න කියලා මට තාත්තා කෑ ගහනවා. ඒවා අස්සට මන්දාර පර්වතේ ගැන කීවොත් ඇවිලෙන ගින්නට පිදුරු දැම්මා වගෙ හිටී අයිසෙ විශුවෝ. මට ඔය ලබ්බක උරුමයක් ඕ......."
YOU ARE READING
පුනරාගමන
Fantasy"උඹ රාජකුමාරයා බැයිනම් මොන නාට්ටාමියෙක් උනත් මට වැඩක් නෑ. අප්පාගෙ පදේටවත් නටන්නෙ නැති මම , උඹ ඔලුවෙන් හිටන් ගැට බෙරයක් ගැහුවත් උඹේ පදේට නටයි කියලා හිතන්න එපා විශුද්!!" Main lead : Arul Adithya Karagala Second lead : Prince Vishudh _අතීත ලංකා දීපය ව...