عذابي الأزلي

البارت السابع والثلاثون

البارت السابع والثلاثون

بقلم الكاتبة الزهيرية الزهيرية

المحب لا يؤذي قلباً احبه
مهما كانت الضغوطات

مينا / أي انسان بحياته يكون اكو الاشياء الحلوه والمر واني إذا أريد اذكر حياتي والله نسبة المر بحياتي چانت 98‎% المر و2‎% حلو ومن تنازلت عن القضيه لريان ربي يشهد على حرگة گلبي على ميليا لان من رجعتها لريان ماتت بچي وبعدها الايام مرت بس بديت احس بنحول كلش قوي وما اشتهي اكل

وامي وفرح هم اجتي واخذوني لدكتور اخصائي بحيث گاعده بصالة الانتظار واني جسمي كله يرجف من عدم السيطره على نفسي ومخليه راسي على كتف امي مره اغفي ومره اگعد لما اجى الدكتور اختي فرح الموجودات بصالة الانتظار كلهن عرفت قصصهن ومن اجى الدكتور كلهن گالوا خلي تدخل هاي البنيه لان مريضه كلش دخلت يم الدكتور وبده يسالني على الأعراض العندي

اول شي گتله على وجع معدتي ووجع راسي وبعدها النحول والتعب العندي سالني عن إذا اكو علاج اخذه وگتله على نوع العلاج گال هذا مسوي الچ تقرح بالمعده شلون عرف ما ادري بس هو هيچ شخص وبعدها قاس الضغط مالتي طلع عندي هبوط حاد وبوقتها خلاني نايمه على السديه ورانطى لامي وصفه راحت جابتها من الصيدليه واجتي شكل الي كانونه وخله مغذي وضرب بي ابره وكتب وصفه الي ولما خلص المغذي يله طلعنه بس بصراحه شويه احس صرت احسن وجع راسي صار افضل صرفنه العلاج من الصيدليه ورجعت للبيت

بس هذا چان علاج ترقيعي لان بعد ساعات رجعت نفس وضع وصرت اكل ما اكل وحتى العلاج إذا اخذه اتقيأ لهذا عشت على المغذي وامي تخبلت عليه وتگول خاف مينا تموت مثل تقى وگاعده يمي وتبچي اما جوانا وفرح يروحن ويرجعن عليه وجابولي عنوان دكتور ثاني بالحارثيه بشارع الكندي وحجزت عنده وبعد 3 ايام يله يوصلني السره وبعد يومين يله يجي موعد الدكتور وچانت الدنيا العصر من اجتي المضمده غيرت الكانونه وخلت الي مغذي والسبب انه لا اكل ولا حتى اشرب مي لهذا يوميه يعلگولي 4 قناني مغذي حتى أعوض السوائل لجسمي

واني چنت بين النايمه وبين الگاعده يتخيلي اسمع صوت ريان بس هذا ما چان تخيل لان بس فتحت عيوني صحيح ريان موجود وعلى چتفه ميليا وهي خطيه تهادد عليه تريد تجي عليه وريان ما يخليها لان ايدي بيها كانونه

وطلبت من امي ساعدني اگعد ومن انطتني ايدها گعدت وخلت المخده وره ظهري اخذت ميليا بحضني واني ابوس بيها وهي خطيه تخلي راسها برگبتي

ريان / شلونچ مينا خيرچ اوديچ لدكتور

مينا / حجزولي يم دكتور وبعد يومين موعدي

ريان / هاي شنو صاير عوده مال ماسحه

مينا / حمد لله انت ما خليت غرض من اغراض البيت ما شبهتني بي شنو اني عندك ست البيت