البارت الخامس والعشرونبقلم الكاتبة الزهيرية الزهيرية
لم يخذلني احد أنا من خذلت نفسي
عندما راهنت على أنهم اوفياءمينا/ القدر اله الدور الأكبر بحياتنه رب العالمين شنو مقدرلنه نشوف واني من عرضت عليه جنى الشغل بصراحه الشجعني على الشغل هو انه اطلع من البيت وأغير جو لان صار عندي ملل مو طبيعي يعني واحد يحير وين يروح وخصوصاً بعد ما سمعت مصطفى أزوج يعني هو شاف حياته واني واگفه محلي سر وقررت اجيب ملازم السادس أعدادي واگعد اقره بالليل احسن ما باقيه هيچ واني العمر دى يفوت مني
ومن بلغت جنى أنه موافقة اشتغل يمهم
جنى / خلاص حبيبتي باچر الصبح اني امر عليچ الساعه 7 الصبح وبلغت امي وخاله فهيمه انه ثاني يوم راح اشتغلأنوار/ ولچ يمه ما مجبوره تشتغلين اگعدي بالبيت واسكتي من تطلعين من الصبح وترجعين العصر وانتي مطلقه الناس شتگول عليچ گليلي هسه يگولون الله يعلم وين چانت
فهميه/ إذا على حچي الناس ما يخلص الناس عليمن رضت حتى يرضون على مينا والبنيه إذا مطلگه شنو تندفن بالحياه شوفي أنوار البنيه إذا تريد سوي شي مو تگون مطلگه كفيلچ الله اكو بنات اهلهن حابسيهن بالبيت
ونزلن راس اهلهن مينا شاطره هسه تشوفين شلون يجي يوم وتفتخرين بمينامينا / گمت بوست خالة فهيمه وامي ورحت لفراشي نمت واني ينامن يمي اخواتي من ابويه ذني يتيمات وانقهر عليهن وهن هم يحبني صح يخافن من امي بس الشهاده لله امي ما مأذيتهن بس ما تحچي وياهن واني واخواتي من أبويه نحب خاله فهيمه لان هي من النوع الحنينه ودائماً اشجعنه عكس امي كل همه شيگولون الناس
نمت ذاك واني كلي امل انه باچر يكون افضل وعلى ثاني يوم الصبح گعدت حدود الساعه 6 ونص وبين ما غسلت وبدلت وبعدني اريد اتريگ اجتي جنى وچانت الساعه 7 وربع وندگت الباب وطلعت ومن فتحتها
جنى / يله همزين مبدله تعالي يله بسرعه اخويه ريان بالسياره ينتظر وهذا روحه بخشمه ما متحمل روحه انوب يتحملنه
مينا/ يمعوده بعدني ما متريگه
جنى / هناك بيتنه تريگي تعالي بسرعه
مينا / وبس دخلت انطيت خبر لامي انه راح اطلع واخذت جنطتي وطلعت ومن صعدنه لسياره وياهم سلمت وسديت باب السيارة وطلع بينه ريان انتبهت عليه هذا نفسه الولد الگالي خاله وبالبداية چان السكوت سيد الموقف بس بعدها گالت
جنى / شوفي حبيبتي انتي دوامچ يمنه من الأحد الى الخميس واليوم الجمعه والسبت عطله وراح اكون اني موجوده لهذا اني راح اعتني بيها وانتي اختصاصچ بس ميليا وراتبچ حسب اتفاقنه اما الجيه الصبح والرجعه الظهر ريان يتكفل بيها واذا هو ما يوصلچ آجرة التكسي على حسابه ولو اليوم طلعناچ من بيتكم بدون ريوگ
YOU ARE READING
عذابي الأزلي
Romanceفتاة تسكن في بغداد بمنطقة شعبية جميلة تحت رحمة اب متسلط وام حنونه لتقع بحب رجل متزوج ليكون النصيب له رأي بحياتها