عذابي الأزلي

البارت الثاني والأربعون

البارت الثاني والأربعون

بقلم الكاتبة الزهيرية الزهيرية

لم نعد نلوم الغرباء
فالأقربون فعلوا الاسوء

مينا / مرات تجي أوقات بحياتنه نگول خلاص احنه وصلنه لقمة السعاده وبعد ما محتاجين شي من الدنيا لازم يجي اشخاص ينكدون عليك حياتك ويطلعوك من دين الاسلام واني هذا چان حالي رب العالمين نصفني بحياتي اخيراً وعشت ويه ريان براحه وسعاده وماعندي شي ومن طلبت مني جوانا انه اجي لعرسها بالبدايه چنت متردده من ريان شلون اگله على العرس وأخاف هو يخاف على مشاعر عمتي

بس هو طمني انه راح ياخذني لاهلي من الصبح وهو العصر يجي ويه الزفه لهذا اطمئنيت وعلى ثاني يوم گعدت من الصبح ونظفت وسويت ريوگ ورحت دى اگعد ريان صحت اكثر من مره ما گعد وبس اتقربت عليه سحبني من ايدي عليه ونيمني بحضنه وهو يگلي

ريان / من تريدين تگعديني تجين يمي تبوسيني يله تگعديني مو من بعيد صيحين بسمي شنو دى تگعدين اخوچ

مينا / يله گوم تريگ حتى توديني لأهلي اليوم عرس كمال

ريان / بابا يا كمال بالطول وبالعرض اليوم كمال يعرس خلي اشبع اني زواج بالبدايه

مينا / شگد دفعت بي بس ماكو إلا ياخذ اليريده يله يعوفني
وهو راح للحمام واني گعدت ميليا ورجعت حميت الچاي من استاذ ريان وطلع هو من الحمام وگعدنه تريگنه وبس خلصت ريرگ وشغلي البقيه كملته وبدلت لميليا رحت سبحت وبدلت ونزلنه صعدنه بالسياره واخذني لبيت آهلي ودخلت لگيتهم دى يتريگون وعافني ريان وراح وجوانا قبل يوم رايحه شامره حواجبها  وميشه شعرها طالعه حلوه تخبل وسألتها شوكت تروحين لصالون

فهيمه/ والله جوانا تخبل بدون صالون بس انتن عيارات إلا تروجن تمكيجن

جوانا/ لعد شلون خاله هو حلاوة العرس نروح لصالون موعدي ويه الصالون الساعه 1 الظهر وهاي اجتي مينا بقت فرح شوكت تجي ما اعرف

مينا / فرح تجي بالوقت الضايع انتظري والله كريم
وبقينه نسولف ويه خاله فهيمه وامي خطيه تخبز وتشوي سمچ بالتنور ومسويه تمن احمر وگعت منها 3 گرص خبر بالتنور تخبلت تگول / هذا فال مو زين عدنه فرح ويوگع الخبز بالتنور

اما فرح لساعة 12 ونص يله اجتي وبس تغدت ويانه وبعد الغده سبحت جوانا ورحنه اني وفرح وجوانا لصالون وبلشت ام الصالون بجوانا واني وفرح العاملات گعدن يحفن وجهنه ويعدلن بحواجبنه وخلصت جوانا مكياج وتسريحه وبعدها اني فرح خلت النه مكياج ام الصالون بس شنو ونسه كل الوقت نضحك ونشاقه

فرح / شوفون شگد ضحكنه هسه ننكتل من رجولتنه على هذا الضحك وخلصنه حدود الساعه 4 وثلث وامي جابت تكسي ورجعتنه للبيت وظلينه مشغلين اغاني ودگ ورگص اني بالنسبه عني ما بيه حيل لان حامل بس فرح واخواتي من أبويه قامن بالمهمه