🖤🦋آسير عينيها🦋🖤

🥀الجزء الأول 🥀

🥀🖤الجنون في رماد عيونها يهون🥀🖤

الفصل1:
🍷أصابتني لعنة عيناها الرمادية كنت المنتصر وهزمت في فتنتهما...!🍷

___الجزء 1 ______:

أمام أكبر مستشفيات الدار البيضاء وقفات سيارة من النوع رونج داخلها شابة بملامح عشرينية عينيها الرماديين كانو متبعين الشاب لي كان جاي ناحيتها بملابس كاجوال سروال جينز نوار مع تيشروت بيضة بين يديه زوج كيسان دالقهوة مد ليها كاسها وتحنا متكي قدامها على السرجم دالطموبيل ملامحو الجدية كتقابل ملامحها البريئة المتسائلة

سجى: مفهمتش انا علاش حتال اخر لحظة عاد عالمينا

رشف من كاسو دالقهوة و نطق بجدية
اكرم: هادي هي خدمتنا خسنا نكونو واجدين 24 ساعة على 24

حركات راسها بهدوء مايدة لكلامو و نطقات بنبرة هادئة بحال ملامحها
سجى : فين بعدا جا هاد الفيلاج و شحال غنبقاو تما

اكرم(بجدية) : فضواحي مراكش ،5 ايام بحال هكاك و حتى اذا طولنا سيمانة

رجعات راسها لور كاتشوف فيه مبتاسمة
سجى : غنتحركو دابا

مد يديه لشعرها و خربقو مبادلها الابتسامة
اكرم : وي راه الطاقم واجد

تقادات فجلستها و هزات لكونطاكط باش ديماري
سجى : ياله حتى تسيفط ليا لوكاليزاسون باش نتبعكم من اللور

حجبانو الكتيفة تقطبو و ملامحو البشوشة تحولو لتخنزيرة
اكرم(بحدة): هبيلة نتي لا زيدي تمشي معايا ف الطوموبيل طريق بعيدة و غيطيح علينا الظلام و حنا مزال فالطريق ماغانخليكش تمشي بوحدك يالاه و منها نتوانسو

سجى: بففف واخا
________

فمكان آخر بالضبط فإحدى مدن روسيا..
وسط شقة فأحد المباني كان واقف حدا الحيط الزجاجي لي كيعكس منظر المدينة كاملة حواجبو مقرونة بحدة وعينيه الصقرية مراقبين اجواء المدينة ليلا..
صوت الدقان خرجو من سهوتو عطا الإذن بالدخول وبقا بنفس وضعيتو ووجه الحديث للمساعد أو اليد اليمنى ديالو وكذلك الصديق المقرب

تاج الدين(بحدة): اش كاين ا كريم ياك لباس

تقدم كريم بخطوات قليلة وقف وراه من الجانب الأيمن ديالو حنحن ونطق بنبرة هادئة
كريم: العصابة لي كاتاجر فاعضاء البشر وصلني خبار بلي دخلو المغرب

تخنزيرتو غير مازادت حدة وعينيه مالو ناحية كريم وعلى شفايفو ابتسامة ماكرة
تاج الدين : وجد راسك غدا غانمشيو نستقبلوهم استقبال يليق بيهم

كريم : نعلم الرجال باش يسبقونا

شاف قدامو و عينيه الفحمية لمعو بضوء المصابيح لي مضويين على لمدينة
تاج الدين: لا

هز حجبانو بصدمة و نطق باحتجاج
كريم: ولكن راه المهمة ماشي بسيطة حتال هاد درجة حياتنا غاتكون فخطر

نبرة الاحتجاج لي نطق بيها كانت كفيلة باش تخلي عيون تاج توجه جيهتو و بحركة سريعة كان خابطو مع لحيط شانق عليه ملامح وجهو كانو ماكيتفسروش غامضين بحال نظراتو العميقة

تاج:هضرتي ماكانعاودهاش جوج مرات لي قلتو ليك غاتقول اه
نفضو من يديه حتا تزدح ليه راسو مع لحيط ورجع لوضعيتو خاشي يديه فجيابو

تاج:(ببرود) دير لي قلت لك غدا صباح نشدو طريق