🥀🖤الجنون في رماد عيونها يهون🥀🖤
الفصل1:
🍷أصابتني لعنة عيناها الرمادية كنت المنتصر وهزمت في فتنتهما…!🍷
___الجزء 18______:
صوت لباب لي تحل قاطع حوارهم ،خرج رشيد كيسد فصدايف قاميجتو و يشكر فالممرض لي دار ليه الفحص بلباقة ،وقفات اروى بالزربة و مشات شدات فدراعو معنقاه و خرجو سابقين تاج لي بقا حتا اطمئن على صحة باه عاد تبعهم
حل باب الطوموبيل من الجيهة فين جالس رشيد و طل عليه براسو مبتاسم ابتسامة خفيفة
تاج: الوليد غايوصلكم الشيفور انا عندي واحد الغرض خسني نقديه
هز عينيه فيه و حرك راسو بتفهم
رشيد: صافي اولدي غير سير شوف خدمتك
ابتاسم و سد عليه لباب ،شاف فشيفور كياكد انه يوصلهم نيشان لدار و تبعهم بعينيه حتا اختفاو على انظارو
كملات سجى فطورها على خاطرها ،تسالمات مع اكرم و هزات صاكها خارجة من بوابة المشفى ،خطواتها قلالو و عينيها تحلو بصدمة و هي كاتشوفو متكي على سيارتو السوداء ،بملابس رياضية فاللون لي كيمتل حياتو اللون الاسود سبرديلة بيضة و نظارات شمسية على عينيه ,الملابس الرياضية كانو عاطيينو منظر خاص لا يقل هبة على المعتاد ، سرطات ريقها بتوتر و هي كاتسمع لصوت دقات قلبها لي كيخبط بالجهد كانو باغي يختارق قفصها الصدري و يمشي لعندو
هز عينيه بتلقائية جيهة البوابة و ما ان شافها حتا ترسمات ابتسامة خفيفة على شفايفو
قربات جيهتو بخطوات مترددة و مرتبكة و هي كاتدكر اخر لقاء ليهم ،حيد نظاظرو منين وقفات قدامو فاصلينهم بضع خطوات ،زرقة عينيه عانقات رماد عينيها باشتياق ،دقات قلبها كانو متسارعين بسبب نظراتو لي كيخليو حناكها يتصبغو باون احمر قاتم باحراج
قاطع حوار نظراتهم صوتها لي خرج بنبرتو الدافئة الهادئة
سجى: سلام
ابتاسمات و مدات يديها شاف فيديها مبتاسم و شد فيها ،بحركة سريعة كان جارها جيهتو كتر و تحنا لعندها مسلم عليها بلا بيز مخلي حروشية لحيتو تقيس خدها الناعم ،غمض عينيه بضعف منين تسللات ريحتها لجيوبو الانفية و نعشات انسجة رئتيه
شهقة صدمة صغيرة خرجات مابين شفايفها ،وجهها سخن و قلبها تسارعو دقاتو ،بعدات بسرعة و هزات عينيها جيهتو لقاتو كيرمقها بنظرا دوباتها و خلاتها تهرب عينيها من عينيه
بتوتر
تاج(بنبرة هادئة): صافا
هزات عينيها فيه كاتحرك فراسها بالايجاب
سجى:حمد الله و نتا
عينيه كانو كيتساراو بارياحية على ملامحها لبريئة و عينيها المميزة و سؤال كيتعاود فدماغو واش هي بصح انسية و لا ملاك مزال كيتخايلو ،تنهد تنهيدة خافتة و حرك راسو بهدوء
تاج: حمدالله
ابتاسمات متوترة من لجو حايرة واش تمشي ولا تبقى
سجى(بارتباك): كيف بقا موسيو رشيد تلاقيت مع اروى قالت ليا كان عندو كونترول نتمنى تكون صحتو فتحسن
ميل راسو دايب فديك الشخصية الخجولة لي عاد كيف اكتاشفها
تاج: صافا عليه ماحدو متبع الريجيم ديالو راه غايبقى مزيان
ابتاسمات بخفوت و قادات صاكها فوق كتافها
سجى : موسيو تاج نخليك دابا منعطلكش على شغالك كتر
أنت تقرأ
🖤🦋آسير عينيها🦋🖤
Детектив / Триллер_____EXCLUSIVE ON El-ASIRAT_______ •#اسير_عينيها 🍷• 🦋🖤#الجنون_في_رماد_عيونها_يهون🦋🖤 🍷أصابتني لعنة عيناها الرمادية كنت المنتصر وهزمت في فتنتهما...!🍷 ✍️بقلم: shahd bs_riham dy ...
