🖤🦋آسير عينيها🦋🖤

🥀الجزء الثاني عشر🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 12______:

عض على باطن حنكو معجب بهاد الجانب الجدي من خدمتها و كل تانية كيدوزها و عينيه فعينيها كايلقا راسو كيزيد يغرق فبحر الهوس مستسلم لدوامة عينيها لي كاتجدبو للقاع ،حنحن بارتباك منين حس براسو و نطق بنفس نبرتها الجدية
تاج :  و دابا مكاينش شي خطر على صحتو غي نديوه لدار

حركات راسها بالايجاب مبتاسمة و مستغلة الفرصة تتمعن فملامحو رجولية و حدة نظراتو لي خلاتها منجدبة ليهم بطريقة غريبة

سجى:  وي يقدر يخرج مي ردو البال لماكلتو و حاولو تقنعوه يتبع الريجيم ديالو

وقف كيقاد فسروالو و عينيه مزال عليها ماساخيش يبعد نظرو عليها ،تمهد بخفوت و حرك راسو بهدوء
تاج: غايتبعو بزز منو

عينيها نتاقلو من وجهو ليديه سرطات ريقها متوترة و شافت فعينيه بنظرات عامرين اهتمام
سجى :  يديك

هز يديه كيضورها قدام عينيه ،ابتاسم ابتسامة خفيفة و شاف فيها
تاج: شكرا

حركات راسها مبادلاه الابتسامة ،و بانت ابتسامتها المشرقة لي خلات دقات قلبو يزيدو بحدتهم لدرجة شك واش وصلو لمسامعها

سجى : خاصك ترد البال و تحاول ماتقيسهاش بالما

تنهد بضعف ،لنظراتها و اهتمامها لي خلاه يزيد يغرق فيها ،رغم انو عارف بلي داك الاهتمام بسبب خدمتها الا انو عحبو و ماكرهش يولي مصوب ناحيتو هو بوحدو

لا هو و لا هي سخاو بديك الجلسة واخا كانت رسمية و لكن بجوج عاجباهم و مستمتعين بداك الحوار لي لسانهم كان كيهضر فموضوع و نظراتهم فموضوع اخر

تاج: شكرا ا دكتورة مرة اخرى
ابتاسمات بلباقة كاتحرك فراسها بهدوء
سجى : هادي خدمتي موسيو السليماني

ابتاسم و خرج من المكتب مخلي موراه قلبو و عقلو وتفكيرو كامل
______
اسبوع داز على اخر لقاء لابطالنا ،اسبوع عامر بالخدمة عند سجى ،و وسط الجو العائلي عند تاج لي فضل يستغل هاد المدة يرتاح من الخدمة ويدوز عطلتو حدا عائلتو

نهار ماشي بحال الايام لاخرة نهار حزين و كئيب باين غير من السماء لمغيمة لي لواضح انها كاتشارك سجى فحزنها ،و قطرات شتاء لقليلة لي كيمتلو دموع حزن على داك نهار لي كيتعتابر دكرى وفاة واليدين سجى

فوسط المقبرة لي كانت هادئة مغمورة بظلام الحزن ،و الدكريات ،جالسة سجى على ركابيها معنقة جوج قبورة صغار فيهم اعظم تروة عندها ،واليديها لي ماتو، عينيها الرمادية لي لمعة الدموع لي فيهم عاد ماعطاوهم بريق خاص كانو كيعكسو  آلاف الأحلام المحطمة، ساهية فالعدم و كاتسول راسها على سر الحياة والموت،و كيفاش تقدر تجاوز هاد الالم لي مزال ماقدرات تبرا منو ، الم خلا بصمتو على معالم وجهها الباكية و كأنه جرح لا يلتئم.
يديها لي كانت مشابكاهم بقوة ، تمزجو مع برودة الرخام لي ضاير بالقبورة ،صباعها رقاق كانو كيهتزو تحت الضغط لي مسلطة عليهم كانها باغا تحتفظ بقطعة من واليديها لي الاشتياق ليهم سيطر على قلبها
و فوسط سهوتها  تناثرت حكايات الألم والفقدان فحديقة قلبها، بحال اوراق الخريف لي كاتطاير وسط الريح العاصفة و صداها كيتسمع فاروقة السكات لي مسيطر على المقبرة كانو كيقيس ارواح لي فارقو الحياة

كسر داك الصمت صوتها لي خرج بنبرة ضعيفة مبحوحة بسبب لبكا
سجى(بحرقة): من نهار لي مشيتو وليت عايشة غير فظلام ،وقتما حاولت نتفكر دكراياتنا ووقتنا بتلاتة ،الحريق لي كنحس بيه عاد ماكيزيد فقلبي و الجروح لي عييت نداوي كاترجع تنزف ،كنتو نتوما هوما النور لي فحياتي ،و ليدين لي كانتسناها تهزني كل ما طحت ،و لكن دابا ،ها انا وليت بوحدي ،ماكانلقاش شكون يمسح دموعي و يواسيني منين كانبكي بوحدي فليل ،كانحس براسي تالفة و بلي روحي فيها فراغ كبييير باقي ماعمر ،داك الجزء لي مشا معاكم نهار مشيتو (شهقات) عارفة بلي دابا ماقادرينش تسمعوني ،و لكن اصلا هاد لحريق لي كانحس بيه ميمكنش يكون مسموع بالكلمات ،ولا عايش فيا لداخل و كل نهار كيزيد يكبر ،تمنيت كنت كنتو حدايا و تحسو بشحال بنتكم محتاجة ليكم ،موتكم خلا جرح ميمكنش يبرا فقلبي ،(تنهدات)و عارفة بلي غايخسني نستحمل لحريق ديالو حياتي كاملة ....

مسحات دموعها بكم يديها ووقفات كاتشوف فلقبورة بنظرات منكسرة
سجى (بنبرة خافتة): الله يرحمكم
تنهدات بالجهد وخرجات مخليا موراها ضعفها و لبسات قناع القوة باش تواجه لحياة بوحدها