🖤🦋آسير عينيها🦋🖤

🥀الجزء السادس🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 6______:

تاج الدين السليماني شاب ف التلاتين من عمرو منين كانت عندو 17 لعام صيفطو باه لروسيا باش يقرا ادارة الاعمال و لكن و بلا مايحس لقا راسو وسط رجال المافيا و بذكاء ديالو قدر يولي واحد من اهم اعضاءها

اما وسامتو شيء آخر شاب بملامح رجولية خشنة عينيه لونهم ازرق كزرقة السماء ولكن غي شوفة فيهم كاتخليك تحس بالخلعة بسبب نظراتو الحادة و حجبانو لي ديما مخنزرين عندو لحية خفيفة و مطراسيا كيتوسطوها شفايفو لي باقي لونهم طبيعي رغم الكارو إلا أنه باقي مانالش من لونهم، و حروفو الكحلين كانو عاطينو هبة خاصة..

حط يديه شعرو الاسود لي كديرونجيه منين  كايهبط ليه على عينيه ودخل من البالكو منين كمل الكارو ديالو تاجه لناموسيتو و حل لمجر لي حداه جبد صورة كانت فيها نفس البنت صاحبة الملامح البريئة النضرة الواحدة فوجها كتبعت فيه الهدوء أما النضرة فعينيها كترفعو لعوالم اخرى كينسى تاسميتو وسط رمادهم لي بحال رماد الحياة لي دخل ليها راسو..

عاماين دابا دازت على نهار شافها و تهوس بعينيها ،حاول يقلب عليها ولكن ضغط خدمتو و الوقت لقليل لي دوزو فالمغرب شطنو بالو كتر و لهاوه

دازو ساعات طوال و هو على نفس وضعيتو ،متكي ففراشو و صورتها فيديه كانو كيحاول يحفظ ملامحها لي ترسخو فبالو من اول لقاء ،عينيه بداو كيتقالو و شبه نعاس زارو رافعو لعالم اللا وعي لي ماسلمش من سيطرة دات العيون الرمادية عليه
________________

فجيهة اخرى و بالضبط بالعاصمة الاقتصادية الدار البيضاء،
دخلات للمكتب ديالها مور ماسالات عملية لي دوزات فيها كتر من 4 ساعات  و هي واقفة كاتمشى بخطوات تقال و يديها على عنقها كاتماصيه ،ترمات فكرسيها هازة راسها لفوق و مغمضة عينيها
صوت لباب لي تحل و خطوات الشخص لي دخل خلاها تحل عينيه و تحدر راسها كاتشوف فاكرم لي تغوبيشتو تمسحات فور ماشافها و عوضاتها ابتسامتو المشرقة

اكرم هو صديق طفولتها  لي حلات عليه عينيها و بئر اسرارها لي كاتعاود ليه اصغر تفاصيل حياتها ،بحكم ان ماماها و ماماه كانو صحابات مكيتفارقوش و طفولتهم كاملا دوزوها بجوج ،اخ من ام تانية لقاتو فاكتر المواقف لي كانت فيهم ضعيفة ،تربات وسط عائلتو منين لقات راسها بتيمة الابوين واليديه اعتابروها بنتهم و هو و ختو داروها ختهم

اكرم(بنبرة حنينة) : سجودة صافا

حركات راسها بالسلب كاترمش فيه ما بين قصتها لي طايحة على عينيها بنظراتها لبريئة
سجى :  عييت والله عرفتي شناهيا 4 سوايع ونتا واقف (بدلع) رجلي طابو عليا

ابتاسم ابتسامة خافتة ووقف موراها حاط يديه الضخمة على عنقها الرقيق كيماصيه ليها بحركات بطيئة دائرية
اكرم: ياودي على ليعولنا عليها تعتق لينا الارواح ياله نوضي بدلي عليك نخرجو نفطرو و نوصلك لداركم

ضورات راسها بالزربة جيهتو مبتاسمة ابتسلمة واسعة و عينيها كيلمعو بطريقة متيرة
سجى: على حسابك الفطور؟

حرك راسو بالايجاب كيضحك و طبطب على كتافها بيظيه بزوج
اكرم : على حسابي غا نوضي طلقي راسك

وقفات بالزربة و قربات منو ،تعلات على صباعها و باستو فحنكو مبتاسمة
سجى: نتا راك الحب

توجهات جيهة لباب بخطوات سريعة و مكملة هضرتها بصوتها الدافئ
سجى: 5 دقائق نكون عندك ماغانتعطلش

حلات لباب و خرجات مخلياه متبعها بعينيه كيضحك ،جلس فكرسيها كيتكسل و تمتم  مابين شفايفو
اكرم: حمقة