🥀🖤الجنون في رماد عيونها يهون🥀🖤
الفصل1:
🍷أصابتني لعنة عيناها الرمادية كنت المنتصر وهزمت في فتنتهما…!🍷
___الجزء 9 ______:
ــــــــــ فمكان آخر ـــــــــ
كان جالس فالبيرو ديالو حداه كاس دالقهوة و يديه كايتحركو بزربة فلكلافيي ديال البيسي لي قدامو حواجبو مقرونة وعينيه الحادة مركزين فداكشي لي كايدير وسط الجو الهادئ دخل كريم بالزربة وملامحو عليهم طابع الارتباك والتوتر من الكلام لي جايب ليه حنحن واستئف كلامو بنبرة هادئة كيف كيأمرو تاج يهضر
كريم : تاج عندي ليك شي خبار ماغاتعجبكش
تاج حرك ليه يديه بمعنى حتال من بعد و عينيه مزال فالبيسي
كريم(بإصرار): الامر مهم كايتعلق بسي رشيد
تاج غي سمع سمية باه حبس شنو كان كايدير و شاف فيه هاز حاجبو بحدة.. وكريم كمل كلامو بهدوء
كريم : خبروني الكارد بلي داوه لسبيطار ليوما
تاج غير سمع سبيطار عينيه توسعو بصدمة لي دغيا تجاوزها وناض طاير خابط لبيسي لي قدامو بجهلالة مامسوقش ليديه لي تفلحات هز تيليفونو و سوارت اللوطو وخرج كيجري من البيرو
ــــــــــــــــــــــــــــــــــــــ
يوم جديد فالمغرب و بالضبط فغرفة من غرف المشفى كان ناعس رشيد فوق البياص و حداه نعمة شادة ليه فيديه و اروى و فهد واقفين ليه حدا راسو
قرب فهد هز يد باه باسها ونطق بعتاب
فهد: وا الواليد عيينا نقولو ليك نقص من داك السكر والو واش كتسمع هانتا جبتيها فراسك دابا
حنحن وسرط الريق كيشوف فيهم بابتسامة عيانة ونطق بنبرة هادئة
رشيد: عادي مالكم كبرتو الموضوع غير طلع ليا السكر شوية وصافي
نعمة زيرات على يديه حتى شاف فيها كان واضح على تقاسيم وجها الانفعال
نعمة: يا هاد الراجل ماكاينش عادي راه صحتك هادي والصحة ماكنتفلاوش فيها
تحل لباب و دخلات سجى جارة معاها شاريو دالماكلة قربات حداهم مبتاسمة وتكلمات بصوتها الهادئ
سجى: سي رشيد كاتحس براسك شوية؟
رشيد: حمدالله ابنتي نقصات الدوخة
بعد فهد واروى مخلين ليها مجال فين تقاد ليه ماكلتو قدامو وفنفس الوقت كتهضر معاه
سجى : اوا الحمدلله كول بعدا ورجع رتاح
رشيد كايشوف فديك الصوبة لي جابت ليه وكمش ملامحو بغير نفس
رشيد: ابنتي هاد الماكلة راه مافيها مداق
ضحكات بخفوت ورجعات بلور كتشوف فيه بملامح فيها نوع من الحدة لي بالكاد باينة فهزة الحاجب لي دايرة..
سجى : هههه هادي هي الماكلة لي خاصك تاكل دابا باش يتقاد ليك هاد السكر
قربات أروى منو مبتاسمة هزات معلقة كتحرك الصوبة
اروى : انا نوكل بابا كحازو لهيه (مدات ليه المعلقة لفمو بحال دري صغير) ياله حل فمك اااا
هما مدابزين معاه ياكل كيشجعوه وسجى حاضياهم بابتسامة خفيفة وفعينيها لمعة غريبة حتى تحل الباب بجهد و دخل كاينهج كلشي هز راسو جيهت الباب بصدمة لي كسراتها نعمة بشهقتها العالية
نعمة (بصدمة) : تاج ولدي
أنت تقرأ
🖤🦋آسير عينيها🦋🖤
Misterio / Suspenso_____EXCLUSIVE ON El-ASIRAT_______ •#اسير_عينيها 🍷• 🦋🖤#الجنون_في_رماد_عيونها_يهون🦋🖤 🍷أصابتني لعنة عيناها الرمادية كنت المنتصر وهزمت في فتنتهما...!🍷 ✍️بقلم: shahd bs_riham dy ...
