🖤🦋آسير عينيها🦋🖤

🥀 الجزء عشرون🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 20 ______:

كاترين هي المدللة باباها واحد من اكبر و أخطر رؤساء المافيا الروسية وكدلك عارضة ازياء معروفة عندها 25 عام ملامحها زوينة متيميزة بعينيها الخوضر وحروفها زعرين وجها بيض و فمها منفوخ طايتها مقادة كولا حاجة فبلاصتها  لحاجة لي بغاتها كاتاخدها ماكاتعرفش شناهيا لا حيت عمر باها قال ليها لا لي حلات عليها فمها كيجيبها ليها بجمالها حصلات على بزاااف دالمعجبين و لكن لقلبها كلام آخر من نهار تلاقات مع تاج فاحدى الحفلات وهي باغاه من غير وسامتو و حروشيتو لي جدبوها و لكن حتا كيفاش رفضها وماداهاش فيها وعاملها بنفور زاد من عوامل اعجابها بيه لدرجة بغاتو حيت كان متميز على الرجال لي صادفات فحياتها كاملة

نرجعو المغرب وبالضبط فمطعم راقي باطلالة زوينة مقابلين مع البحر..
كانت جالسة سجى كاتسرح عينيها الرمادية على داك المنظر تايهين فزرقة السماء لي معكوسة على البحر ديك الزرقة دكراتها بعيون الشخص لي جالس قدامها مراقب حركاتها بإعجاب البرد لي كيدي شعرها كايديرونجيها وكاتبقا مدابزا معاه باش تردو مور ودنيها..

فوق الطبلة كانو محطوطين زوج كيسان دالقهوة تحت طلب تاج حيت فضل يتعطل باش يطلب الغدا باش يدوز وقت طويل معاها

ضارت سجى فغفلة منو وغير شافت الطريقة باش كيشوف فيها نزلات عينيها كتحنحن باحراج
سجى(بتعلتم): كيف جاك المطعم؟

دور تاج راسو فانحاء المطعم و شاف فيها مبتاسم
تاج : زوين عندك الدوق

سجى(بحماس): عرفتو غايعجبك هذا هو المطعم المفضل ديالي ديما كانجي ليه انا و اكرم

قطب حجبانو بإستغراب ونطق بلاما يحس
تاج: اكرم؟

سجى(بتلقائية): اه هو كان صديقي المقرب و الوحيد ماما و ماماه كانو صحابات و منين تزادينا حنا كبرنا مع بعضياتنا (ضحكات) ودابا حتا نتا وليتي صديقي ولاو عندي زوج اصدقاء

ضحك متبع كلامها بدون ملل صوتها بوحدو كان بحال شي لحن هادئ كيبعت فيه السكينة والهدوء قاطع تأملو فتفاصيلها المميزة السيرفور لي جا طلبو غداهم و تغداو فجو زوين مستاغلين اللحظة فين يتعارفو كتر.. وهما كايهضرو سجى حساات بلي ولات مقربة منو كتر و تطلقات فالهضرة معاه حتى كملو ماكلتهم و هبطو كيتمشاو حدا البحر تحت طلب تاج لي كان باغي يستغل كل دقيقة معاها ومايضيعهاش.