🖤🦋آسير عينيها🦋🖤

🥀الجزء الثالث🥀

🥀🖤الجنون في رماد عيونها يهون🥀🖤

الفصل1:
      🍷أصابتني لعنة عيناها الرمادية كنت المنتصر وهزمت في فتنتهما…!🍷

___الجزء 3 ______:

داخل الكوخ كان مجموعة دالاشخاص محيطين الطبلة خشبية حاطين فوقها مجموعة من الاسلحة و صور لنساء رجال اطفال فمختلف الاعمار ...من الشوفة فوجوهم لي كتخلع والوشامات لي مغطية اجسادهم كيتوضح لينا بلي ماشي مغاربة..

فغفلة منهم كاملين تفرع الباب قدامهم.. دخل تاج وكريم جنبو وعلى شفايفهم ابتسامة ساخرة
تاج(ببرود): اهلا اهلا شرفتونا مرحبا بيكم عندنا

عينيهم تحلو بالصدمة لدرجة واحد فيهم وقف بسرعة عارف انه قدوم تاج فهاد لوقت بالضبط ماغايكونش عندو نتائج ايجابية ،يد تاج لي كان وقف موراه ،تحطات على كتفو مجلساه فبلاصتو بالزز عليه،كيطبطب على كتفو بقوة حتا كيتنفض من بلاصتو

دور عينيه على الاوجه لي كانو مزال في حالة صدمة و نطق باستهزاء
تاج: كون غي علمتونا قبل نوجدو لحليب و تمر استقبال يليق بيكم اولا

شخص تاني من العصابة كان بدا كيخرج من الصدمة و استشعر خطورة الموقف عينيه على تاج ويديه كيتحركو بشوية تحت الطبلة كيحاول يوصل لسلاح غافل على تاج الدين لي كان راد ليه لبال محافظ على ملامح برودو ،سرعة بديهتو لي كيتميز بيها كانت كفيلة باش تخلي رصاصة من سلاحو توسط جبهة الشخص قبل ماتوصل يديه و تلامح سلاحو

نفس الرصاصة كانت هي الفتيلة لي شعلات نيران كاع افراد العصابة و خرجاتهم من صدمتهم
كلهم وقفو هازين سلاحهم مصوبينو ناحية تاج و فعينيهم رغبة قوية انهم يحيدو لتاج الاثر من الوجود فرصة جات حتال بين يديهم خاص يستغلوها.
كريم لي شاف بلي الحرب غاتبدا ،جبد اسلحتو بسرعة و تبع تاج لي خدا وحدة من الساريات ديال الكوخ ذرع ليه
تعالى صوت القرطاس، و ريحة البارود  و الدم بدات كاتسيطر على الجو

فظرف 5 دقايق تحولات ارضية الكوخ لبركة دماء بشرية جل افراد العصابة فالأرض طايحين غارقين فدمهم مسلوبة منهم روحهم بسبب احدى رصاصات تاج او كريم

الناجي منهم شخص واحد لي قدر يوصل لسرجم ونقز هارب
عيون تاج الدين الصقرية رصدوه  وبلاما يفكر زوج مرات تخطا الجثث بكل برود ونقز تابعو كيجري بسرعة كبيرة مصمم انه يكمل مجزرتو عاد يرتاح، رغم الضلام لي كان مامبين ليه والو وهو كيجري وسط الشجر .....

من بعد ماقطع بضعة اميال و هو كيجري سرعتو بدات كاتنقص ببطئ منين رد لبال ان الانحدار لي وصل ليه كيبين بلي وصل قمة جبل

وسط ديك العتمة و عينيه لي كيدورو على المكان كيحاول يرصد ولو غير حركة من الشخص لي تلف عليه
قاطع تركيزو  ألة حادة كتغرس فجنبو مخلفة ألم خلا معضم اعضائو يتشلو

هز يدو لي تقالت عليه  كيتحسس مكان الجرح زفر بسخط و قابل يديه مع عينيه كيشوف فيها كيفاش ملطخة بدمو رغم داك الالم و لكن ديك الرغبة باش يكمل على شنو بدا خلاتو  يضور باش يتبع صوت الخطاوي لي ولاو واضحين....

بسبب حركتو لي كانت سريعة، توازنو اختل وطاح على ركابيه فاشل زير على عينيه لي تلونو بعروق حمراء ضاغط على نفسو باش يستحمل داك الألم
بركة دماء ولات ضايرة بيه بسبب دمو لي كان سخون وسبب ليه نزيف  قوي
الصورة قدامو بدات كاتضبب ،راسو بدا كيتقال و قوتو بدات كاتلاشى ببطئ، صوت ارتطام جسدو مع الارض  كان دليل على الوعي لي فقدو خلا الشخص لي ضربو و بقا حاضيه يتبسم بانتصار و يرجع ادراجو