🖤🦋آسير عينيها🦋🖤

🥀الجزء تاسع عشر🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 19 ______:

عقد حواجبو بإستغراب من حاجز الرسمية لي بنات وعوج راسو كايطل عليها
تاج:ياك قلتي حنا صحاب دابا علاش ديك موسيو همم

سجى هزات راسها فيه ويلاه بغات تنطق وهو ينطق مقاطعها بصوت خاافت خلا رعشة خفيفة تسري معاها
تاج: كنت كانتسناك

وسعات فيه عينيها بصدمة حتى برزو رمادياتها
سجى: كاتسناني؟ أنا ؟

حرك راسو بهدوء وعينيه مافارقوش عينيها ملي وقفات قدامو.. عينيها لي بالنسبة ليه فحال شي حبل كيعاونو يوصل لقمة مجهولة وماقادش يطلق منو حيث هداك هو سبيل النجاة ديالو الوحيد.. نزلات راسها كترمش حاسة بالاحراج من النضرات لي موجه ليها
سجى(بارتباك): احم وي ياكما محتاجني فشي حاجة

شد فمعصمها وجرها وراه جهة طموبيلتو
تاج: شحال هادي ماجيت للمغرب و ماكانعرفش شي بلاصة زوينة نتغدا فيها و حيت نتي الصديقة الوحيدة لي عندي جيت عندك يلاه طلعي وريني شي بلاصة زوينة وراني عارضك نتغداو بزوج

عضات على شفايفها كتشوف فيه مستغربة من الزربة لي دار ليها لدرجة بقات غير كتمتم
سجى: هاا زعما واخا واخا نمشيو
حل ليها الباب ركبات وضار ركب حداها مبتاسم حاس براسو مالك الدنيا بوجودها حداه
______
نرجعو لموسكو وهاد المرة مكان آخر وفيلا أخرى فأحد الغرف كانت وسطها فتاة بشوميز دونوي فالاحمر كاشف على تقاسيم جسدها بطريقة متيرة كانت جالسة قدام المرايا كاتمشط فشعرها الاشقر وفوق الكوافوز كان محطوط كاس ديال الويسكيو لي بقا فيه شوية حتا كايصوني تيلي ديالها مقاطع لحظة تأملها فملامحها شافت المتصل و جاوبات بهدوء

الݣارد: عندنا ليك خبار جديدة

كاترين(بحدة): طلق راسك

الكارد: تاج الدين السليماني مكاينش فروسيا
عوجات شفايفها مفقوصة ولاحت المشطة مغزفة
كاترين(بإنفعال): قول شي حاجة مفيدة عرفاه ماكاين فروسيا

الكارد: هو في المغرب حاليا الݣارد لي عندنا تما بقاو مراقبين الفيلا ديال واليديه حتى خرج هو و باه و ختو تاجهو لواحد المشفى وسط المدينة و موراها خرجو باه و ختو مشاو و هو بقا حدا الباب

كاترين: شنو بقا كيدير تما

الݣارد (بارتباك):قالو خرجت عندو واحد البنت

كاترين: (بالغوات) بنت!!

الكارد: اه سلم عليها و ركبو وطوموبيلتو و..

تقطع الخط قبل مايكمل الهدرة وشيرات بالكاس لي كان فيديها جا فواحد المرايا لي تشتت زاجها كامل فالأرض حتى  ولات الدنيا عامرة زاج هزات واحد الصورة ديال تاج كانت قدامها وشافت فيها بعيون حمرا بقوة النار لي شاعلة فيها
كاترين: لا كان هادشي لي فبالي صحيح كنقسم ليك حتا نقتلها اتاج بلا رحمة نتا ديالي وديالي بوحدي  سمعتيي

صوتها بدا كيرتافع وعينيها دمعو عنقات تصويرتو وكملات بالغوات كتعاود نفس الكلمات بهستيرية
كاترين: دياالي و بوحدي