🖤🦋آسير عينيها🦋🖤

🥀الجزء ثالث عشر🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 13 ______:

فطريق المؤدية للبحر ،سايقة بهدوء مرة مرة كاتهز يديها تمسح دموعها ، و تنهيدات حارة كيخرجو من شفايفها ،غمضات عينيها بالم بسبب الطنين لي تسمع فودنيها و لغمامة لكحلة لي جات قدام عينيها ، تنهدات بالم ووقفات الطوموبيل فليمن مفضلة حتا يفوتها لحريق و تكمل ،صوت خبطة مجهدة و الطوموبيل لي مشات  جات بيها خلاوها تحل عينيها بصدمة ،شافت فلمرايا لي فجنب باستغراب حتا كتلمح الراجل لي دخل فيها بطوموبيلتو نازل و من التخنزيرة لي داير باينة بلي ناوي ينوض شي صداع

فنفس طريق كانت طوموبيل جيب سوداء داخلها تاج بنظرات شمسية و ملابس رياضية، العرق لي فجبهتو و البانضات لي فيديه كانو كيبين بلي عاد كمل تمارينو الرياضية حاط يديه على السرجم مستمتع بداك لهوا لبارد لي ضارب فيه
صوت لغوات تسلل لمسامعو خلاه يهز حجبانو مستغرب ، و الطوموبيل لي واقفة وسط طريق خلات ملامح الاستغراب يتحولو لسخط ،زفر النفس بالجهد كيحاول يحافظ على هدوءو و نزل بهيبتو المعتادة غادي بخطواتو الرزينة جيهة الراجل لي مزال كيغوت

يديه الضخمة لي تحطات على كتف الراجل خلات صوت صداع الغوات يتوقف و صاحبو يضور مخنزر يشوف شكون هذا لي تجرا يقاطعو ، عينيه تحلو بصدمة و عنقو عواج و هو هاز راسو فتاج لي طولتو كانت ضعف الراجل و حجمو كان كافي باش يحجب عليه شعاع الشمس لي باين من وسط لغيوم

تاج(بهدوء مخيف):طوموبيلتك لي موقف فطريق حبساتني حيدها و كمل غواتك

عاود قطب حجبانو و مخنزر و اشار لسجى
_ماشي انا لي حابس طريق راه هاد لعيالات لي ماكيعرفوش يسوكو

هز حجبانو من الطريقة و النبرة باش كيهضر و ضور راسو جيهة السيارة يشوف علامن كيهضر
حجبانو تهزو بصدمة و هو كيشوف فسجى لي كاتشوف قدامها ببرود وجها دابل و اتار الدموع مزال على خدها

صدرو بدا كيطلع و ينزل بعنف دليل على تنفسو لي مابقاش منتظم ،كيتنفس بعمق كانو باغي يمتص اكبر قدر ممكن من الهواء باش يغدي نيران الغضب المشتعلة فصدرو ،عينيه لي تصوبو جيهة الراجل لي عاد مازاد فحدة غواتو كانت كاتبان فيهم شعلة كاتعكس البركان لي شاعل فصدرو على وشك التورة حط يديه على دراع الراجل جارو معاه بقوة ،وجهو مظلم و عضلات فكو مزيرة و افكار مرعبة كاضور فراسو ماكرهش يطبقها على ضحية غضبو لي جار موراه

جرو جيهة زنقة فارغة خابط ليه ضهرو مع لحيط ،يديه شدات ففكو مطلع ليه راسو جيهتو ووجهو مقابل معاه كيشوف فعينيه بنظرات مخيفة
تاج : صوتك لي على عليها خاص يتقطع

الرجل لي وجهو هرب منو لون دليل على خوفو حرك راسو بالسلب بسرعة و داتو كولها كاتفيبري بخوف بين يدين تاج

زاد زير على فكو ملاسق ليه حناكو و يديه التانية تخشات فجيب التوني لي لابس جابد موس صغير
تاج (بنبرة): عليتي صوتك عليها ،غوتي عليها
حط حافة لموس فوق رقبة الراجل ضاغط عليه مخليه يتاوه بالم و عينيه متبعين خط د.م لي نازل على عنقو

تاج(بحدة): غاتسمعني مزيااان ماحدي مكالمي و كانهضر بفمي ماشي بيدي غاتمشي تهز ديك الخرشاشة لي عندك و تمشي كانقسم بالله و نلقاك راجع عندها حتى ملامح وجهك نغبرهوم ليك ،الرسالة وصلات؟

حرك ليه راسو بالايجاب بسرعة و ملامحو مزال مكمشين بسبب لحريق

حيد لموس مع عنقو و مسحو ليه فحوايجو و البرود يكسو ملامح وجهو
تاج: مزيان مزيان عزيز عليا لي كيسمعو الهضرة
رجع بخطوة لور مخلي ليه منين دوز الراجل غير شاف مساحة خاوية عطا رجلو للريح كيجري بحر جهدو هارب ،ركب فسيارتو و كسيرا طاير تالف و خايف لدرجة مخلي لباب ديال طوموبيلتو  محلول

تبعو بعينيه ببرود و رجع ادراجو غادي لطوموبيلتو ،هز قرعة دلما منها و تقدم جيهة طوموبيلة سجى بخطواتو الرزينة كيف عادتو
عينيها جاو عليها مرجعة راسها لور و مغمضة عينيها،تنهد بخفوت و دق فالزاج دقات خفاف
حلات عينيها لي كانو حمرين بسبب لبكا لي بكاتو و جاو فعينيه نيشان ،و ابتسامتو لخفيفة لي مزينة ملامحو الحادة ،قلبها دق بسرعة و عينيها لي كانو طافيين لمعو باعجاب بمجرد ما شافتو ،جمعات قوتها و حلات لباب و نزلات كاتشوف فيه متوترة بسبب هالة الكاريزما و الهبة لي ضايرة بيه
زرقة عينيه عانقات رماد عينيها ،و انتاقلو بزوج لعالم خاص بيهم فيه غير هو و هي و عينيه لي داخلين فحوار عميق

تمدات يديه الضخمة لي فيها لقرعة مخرجاهم من عالمهم الخاص ،تنهدات بخفوت منين وعات براسها و خداتها من عندو بيديها لي كانت رجفتهم واضحة ،شربات منها بضع رشفات و تمتمات ما بين شفايفها بنبرة ضعيفة
سجى: شكرا

علامات القلق بانت فملامحو و عينيه و هو كيشوف فملامحها لي عيانين و علامات الدموع لي على خدها،سرط ريقو كيحاول بجهدو كامل انه مايجرهاش و يخشيها فصدرو و يرضها سجينة داخل قضبان قفصو الصدري
تاج(بقلق): دكتورة ! نتي مزيان؟