🖤🦋آسير عينيها🦋🖤

🥀الجزء سادس عشر🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 16 ______:

فمكان آخر وبالضبط فموسكو بعدما عتم الليل خرج كريم من الفيلا متوجه جهة طموبيلتو وغافل على الطموبيل لي وراه كان داخلها ربعة دالكارد عمالقة النضرة فوجوههم كتبعت الخوف صونا تيليفون واحد من دوك الݣارد وجاوب بسرعة وعينيه باقي على بوابة الفيلا
****: شي جديد
الݣارد : من الصباح و حنا مراقبين الفيلا ديالو خرج منها غي المساعد ديالو هو لا
*****: كتر من اسبوع و هو غابر متاكدين بلي راه فالفيلا
الݣارد(بتلعتم):ل لا
****(بعصبية) : معايا غي المكلخين واش خصني نوريكم خدمتكم عندكم ساعة عرفتي شناهية ساعة 60 دقيقة نلقا خبارو عندي سمعتي
الكارد: ا اا حاضر
تقطع الخط ورجعو الكارد مركزين عينيهم على الباب مراقبين كل حركة

ــــــــــــــــــــــــــــــــــــــــــــ
اليوم الموالي قدام المشفى نزل تاج شاد فرشيد واروى وراهم داخلين باتجاه مكتب الطبيب لي غايدير ليه الكونترول..
وقفات أروى قدام الباب وشافت فتاج
اروى: خويا انا نمشي ناخد قهوة نجيب ليك معايا
حرك راسو بالسلب وقرب حل الباب
تاج : نو بلاش غي سيري

حركات راسها بالايجاب وضارت راجعة باتجاه اروى للكافي ديال الصبيطار غيى دخلات لمحات سجى لي كانت جالسة مع اكرم قربات منهم بخطوات ثابتة شعرها طاير وراها بسبب الريح لي ضارب فيها وقفات قدامهم وابتاسمات

اروى : دكتورة سجى

هزات راسها جهة مصدر الصوت وما إن شافت اروى وقفات مبتاسمة سلمات عليها و شافت فيها عاقدة حواجبها
سجى(بقلق): أروى! ياك لاباس ياكما موسيو رشيد طلع ليه السكر عاوتاني

حركات راسها بالسلب بسرعة وحطات يديها على شعرها لي طاح على عينيها منوغشها
اروى : لا لا جينا غي حيت عندو كونترول

سجى (باهتمام): مزياان بعدا ولا راد البال لصحتو

ضحكات بخفوت كتفكر هاد المدة القليلة لي كان فيها تاج وكيفاش كان حريص على ريجيم دماكلتو وحاضيه مزيان
اروى : ماتخافيش خويا تاج راد معاه البال ولا داير ليه الحصار

سجى غير سمعات سميتو حناكها توردو وقلبها ضرب بجهد لدرجة شكات واش اروى سمعاتو وزيرات على يديها كتحاول تبت راسها عاد نطقات بنبرة هادئة محافظة على ابتسامتها البريئة
سجى : هادشي لي خسو يكون جلسي معانا اذا بغيتي

حركات راسها بالنفي وشدات فالصاك كنقادو فكتفها
اروى : لا شكرا ادكتورة خليت خويا كايتسناني الفوق و بابا شوية و يخرج غايخسنا نمشيو مرة اخرى

سجى: انشاء الله سلمي على موسيو رشيد و مدام نعمة

حركات راسها بالايجاب وضارت خدات علاش جات عاد رجعات ادراجها خارجة من الكافي