🖤🦋آسير عينيها🦋🖤

🥀الجزء الخامس🥀

🥀🖤الجنون في رماد عيونها يهون🥀🖤

الفصل1:   
            🍷أصابتني لعنة عيناها الرمادية كنت     المنتصر وهزمت في فتنتهما…!🍷

___الجزء 5 ______:

كانت قاطبة حواجبها مركزة فخدمتها حتى خرجات الرصاص وعقمات ليه الجرح  وضمضاتو خدمتها متقونة حيت ماختارت تولي طبيبة حتا انها ادات القسم و عارفة بلي حياة المرضى ماشي لعب باش نتهاونو فيهم.. بانت وسط ملامح خوفها ابتسامة منكسرة وهزات راسها لسما
سجى(بانكسار): اسيدي اربي كيف غاندير نعاونو

قفزات فاش سمعات صوت خطوات كيقربو بشكل سريع هزات صاكها كتجمع داكشي لي جبدات افكارها كيقولو بلي ممكن الشخص لي ضربو هو لي جاي كملات وناضت بالزربة هربانة ..

صوت الخطوات بدا كيقرب باتجاه تاج و بان كريم لي كان هاز فيديه مصباح يدوي لضاءتو نقصات حيت بقا فايق الليلة كاملة كيقلب على تاج ، نزل لبيل للارض و غير بان ليه تاج طايح تما وسط الشجر تقدم جيهتو كيجري و تحنا لعندو كيرمش بتوتر و وجهو تخطف منو اللون خايف عليه ،ماشي اول مرة يتضربو و لكن اول مرة يشوف صاحبو مغيب يطرا لي يطرا كان كيبقا قوي واقف على رجليه حتا خاجة ماكاتهزمو
كريم(بنبرة عالية): تاج تاج كاتسمعني تاج حل عينيك اصاحبي

بدا كيقلب على فين مضروب حتى كايبان ليه جنبو مداوي ضاير بفاصمة ، هز حواجبو باستفهام وضار جيهت تاج لي بدا كيحل فعينيه ،ابتاسم بلهفة و حط يديه على دراعو كيحاول ينوضو
كريم : تاج نوض اخويا شد فيا نحيدو من هنا

هز يديه حاطها على وجهو ويدو التانية كيسند بيها وكريم معاونو ،رمش فالعدم بتتابع و حط يديه على جبنو بسرعة كانو باغي يتاكد من شي حاجة،و بين عينيه كانت صورتها و لقطات زارو مخيلتو و هي كداويه

عينيه بداو كيضور فالارجاء كيحاول يتفكر واش ديك الملاك لي شاف بصح ولا غي كان كايتخايل ...
__________________

بعد سنتين كاملة بزاف دالحوايج تبدلو وبراف دالناس تغيرو فمكان آخر وبالضبط فروسيا وسط فيلا تاج وفجناحو الخاص كان خارج من الدوش ملوي على نصو فوطة كيبان صدرو العريض بعضلات بارزة بشكل متير بحكم البروكرام الرياضي لي ملتازم بيه كتافو كانو كيتحركو بتوازي مع خطواتو الرزينة كل ماتحركت يديه كيبان أثر ديال ضربة مرت عليها سنتين لي كل ماشافها كيتفكر دوك العيون الرمادية لي باقا مستوطنة داكرتو..
دخل لدريسينغ لبس عليه توني فلون الاسود منزلي وخرج جيهت الميني بار لي عندو فبيتو عمر كاس بويسكي وهز كارو خارج للبالكون لي كيطل على شوارع موسكو شعل كارو ومع أول نترة ساط الدخان وفلونو الرمادي تفكر تاني عينيها ووجها الملائكي لي مبغاش يخرج من راسو لدرجة انه كلف أمهر الرسامين ورسمو ليه لوحات بدوك الملامح لي وصف ليهم و كانو فغاية الدقة شكون كان كيقول تاج الدين السليماني واحد من اهم اعضاء المافيا الروسية و ولد اغنى رجال اعمال المغرب رشيد السليمان غاتولي شاغلة بالو بنت فالوقت لي كان كل ماكيشغل بالو هما خطط المهام لي كايدير