اليوم كان من الايام المخلدة في ذاكرتي ، انه اليوم الذي تم القضاء فيه على إحدى كوابيسي المزعجة ، ذلك الغبي الاحمق تم ابعاده عن طريقي اخيرا، لا اعلم هوية المنقذ لكن من اشجع واقوى رجل بالعالم.
ابتسمت وهي تشوف لين محتضنه نوال الصغيرة ، وتغني بها : يابختك تشاركين الغالية بالاسم والله اخذتي من زينها وحلاتها،وبيني وبينك الحمدلله اخذتي زينها لان امك وابوك اشكالهم لك عليها
وسعت عيونها من كلامها وبغضب : لين وججع إن شاء الله تسبيني انا وابوها عندها
جلست على الكراسي وهي تتأمل الصغيرة التي تنام بهدوء وسلام : قلت الصدق ليش مو عاجبك
ضحكت منهم لين والهنوف إللي دوم مايتناقرون بسبب او حتى بدون سبب: لين اتركي عنك محارشة خالتك
ماخفت عليها ضحكت امها ، وكملت مناقرة: المفروض هي تدور رضاي اليوم بجلس عندها وانام
الهنوف: ترا انتي إللي جيتيني ماغصبتك يالعيارة
اردفت فرح إللي تعرف نية لين الحقيقية: هي بتنام عندك عشان تسوي لها فعاليات مو لسواد عيونك
عضت على شفتيها السفلية بقهر بعد ان كشفت فرح مخططها: انا اوريك ، وش اسوي ابغى اكسر الروتين مليت
نطقت لتغير للموضوع: اقول ماما ماتبغين تشوفين سميتك
احتضنت نوال الصغيرة وهي تبتسم، تذكرت ان الهنوف ماسمحت لها الفرصة تحضن سميتها لكن هي جات لها مسكت دموعها حتى مايعتفس الجو السعيد: يازينها تشبه لك يالهنوف
لين: حرام عليك ماما وش جاب الثرى للثريا هي تشبه لك
ضربتها الهنوف على كتفها بقهر: لين وجع من اليوم ساكته لك انتي ونغزاتك
امسكت كتفها بألم من ضربتها : لان كلامي صح ولا بتنكرين
صدع رأس فرح من لين إللي تحارش سامي في البيت وهنا الهنوف، نطقت بضجر منها: خلاص لين خالة الهنوف الحين طلعت من ولادة وتعبانه خليها
نظرت الهنوف بحب لها واردفت : وه بس يازين إللي يقدرون ويحترمون مو مثل بعض الناس
كان نايف مستمع لكل كلامهم ، ولتشبيهات لين التي يتفق معها، نطق بدقه لها: الشكل وراح عليك ما باقي إلا تدعين انها تأخذ منك الاخلاق بس
نظرت له بطرف عينها ، من حست بالعيارة المغلفة في كلامه : احس كلامك وراه دقه بس بمررها على كيفي
نظرت لين لنايف ونطقت بضحكة: ياحظك يا نايف الهنوف عفت عنك
ضحك نايف معها ، نقلت الهنوف نظرها بينها وبعصبية : ان اقول تنقلعون يا عيال نوال برا يكون احسن
لين: جالسين على قلبك
انسحب من الغرفة بدون ماحد ينتبه له وتوجهه إلى قسم سحب الدم ، وقف يبحث عليها، لكن ما شاف اي وحده بنفس وصف مزنه او حتى وحده تشبه لهم
كانت تمشي متجه للبوابة تخرج ، لكن انتبهت له ومن تفحصت ملامحه تذكرته هو نفسه اخو ريم جاء يبحث عنها من كم يوم ، ركضت إلى مي ، ونطقت بسرعة: تعالي شوفي اخو ريم جاء يدور عليها
رفعت رأسها من الكمبيوتر ونطقت باستهزاء: صدق غبي البنت في قسم الولادة وهو باقي يدور لها هنا
جلست جنبها على الكرسي واردفت بتأييد لها: إذا اخوها شكاك ليش ما قالت له انها بقسم الولادة وانتهينا
اجابتها بضحكة : يمكن تخاف يجي عندها ويفشلها
جلست تقلب الافكار في رأسها، ما كفاها الاشاعات إللي نشرتها من قبل ، باقي عندها حقد على ريم ، وقفت وهي متجه له تنفذ خطتها: اسمعي عندي خطة خلينا نطقطق قبل مانطلع
وقفت خلفه تناديه: لو سمحت انت باقي تدور على اختك
التفتت لها وعرفها هي نفسها إللي سألها قبل : ايه انا متأكد انها في المستشفى هنا
مشت متجه للرسبشن ونطقت: تعال اوريك النظام وانها مو هنا
دخلت على نظام المستشفى وعلى قسم الموظفين ، واختارت بخفه قسم سحب الدم ، وكتبت اسمها: شفت مو موجودة
نظر إلى شاشة الكمبيوتر وبالخط العريض لايوجد نتائج لبحثك، وما انتبه انها اختارت قسم سحب الدم ، وان بس راح يطلع لها اسماء الموظفين فيه ، و نفس ماتوقع انها غير موجوده كانت جارتهم ملخبطة ، ولا يمكن ان غلطت بالاسم، تذكر انها قالت ان البنت تشبه لكادي وكادي تشبه له نظر لها واردف : شفتي وحده تشبه لي
توترت من سؤاله إللي ماتوقعته شتت نظرها عنه ونطقت بارتباك: لا
غادر المكان ورجع ادراجه إلى غرفة الهنوف، اسند نفسه على الباب : يمه نمشي
اعطت نوال الصغيرة إلى لين وبتوصيه: لين ما اوصيك على خالتك هالله هالله فيها واتركي عنك اللعب
ضحكت فرح ان امها باقي مصدقه كذبت لين: لايكون مصدقه يا ماما ان لين جايه تساعده والله بتجلس بتكي وتسحب عليها
شدت على اسنانها وبتهديد: فرحوه انا اقول إذا ماعندك كلمة زين تبلعين لسانك وتسكتين احسن لك
رمقتها بنظرات: وانا وش قلت
خرجت من الغرفة متجاهله لين ، نظرت لين إلى الهنوف واشرت إلى الباب: شفتي فروح إللي تحبينها كيف قليلة ادب انا اوريها بس
أنت تقرأ
تحت رمشك صباح فوق رمشك ليال
Randomحساب الانستا فيه تعريف للشخصيات : mira_majed8 روايتي : تحت رمشك صباح فوق رمشك ليال بعد ولادتها بساعة، تنخطف الهنوف من المستشفى، بطريقة غامضة لم يلاحظها احد، في حينها يذعر والداها للبحث عنها ،وليمضوا ثلاثة وعشرين سنة في البحث ،جاهلين عن المختطف وغا...
