احببت من لا يبالي

part 6

ماريد الأيام
تجيب
الأحسن منَك
أنتَ الوحيد الما عرفت
شلون أعبرَك .

(احببت من لا يبالي)

‌                     (الـ part 6)

لتنسون التصويت  + المتابعه للحساب والتعليق بين الفقرات

꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷

براء:- بعد مضربني بابا فقدت الوعي كعدت عطشانه وراسي يون عليه احس شوك داخل بيه باوعت لكيت نفسي بغرفه بيضه كولها ريحت معقمات عرفت نفسي بالمستشفى بس منو جابني وره ربع ساعه دخل خالو جهاد و اولاده ومحمد بس من شفت محمد دموعي كامت تجري اريد احجي اكوله والله حسين جذاب معندي علاقه بيه ولا دازتله صوره بس الساني ثكيل ماكدر احجي يمكن بعده تأثير البنج بيه كال خالو جهاد

جهاد:- الحمدالله على السلامة بنيتي

براء:- كلت بصعوبه الله يسلمك خالو

سجاد:- الحمدلله على سلامتج بروئه انشاء الله متشوفين شر

براء:- ابتسمتله بتعب

جهاد:- براء انتي هسه لازم ترتاحين حتى تصحين لأن وراج هواي حجي وتبرير

براء:- بانكسار ودموع خالو والله اني مسويت شي والله الموبايل مو الي ولا اعرف شجاب صوري بس ولا حتى عندي ادنى فكره عن وجود رقم حسين بالجهاز اذا متصدكني جيب القران احلف بيه وعساني اعدام عافيتي اذا جذبت بحرف واحد

زين:- ببرود بس ابن عمج كال انتو على علاقه والصور الي بالمحادثات انتي دزيتيهن برضاتج

:- براء فقدت من البجي وهي تكول والله جذب والله مدزيتله صوري ولا عندي علاقه وياه نهارت وكامت تصرخ انتو ليش متصدكون اني مسويت شي والله مداجذب والله هذا الحقير ديتبله عليه زين انتبه عليها فقدت وكامت تملخ نفسها صاح الممرض ينطيها ابرة مهدئ جهاد كال

جهاد:- شبيها

زين:- وحده من الاثنين لو صار عدها انهيار عصبي ولو تمثل واني ارشح الخيار الثاني وعافهم وطلع

سجاد:- استغفر الله البنيه ملخت روحها وفرفحت من البجي وهذا يكول تمثل

جهاد:- عوفه معليك بيه المهم هسه رحو اخذو البنات ورجعوهن للبيت وعوفو مريم يم عمتكم اكيد تلكاها منهاره على بتها خطيه

الشباب:- ليش بابا نبقى وياك

جهاد:- لا وجودكم مبيه فائدة هسه راح نبقى بس اني وزين وانتو ارجعو حتى محمد يرجع وياكم

محمد:- مارجع اني اريد ابقى ويه اختي

جهاد:- ابني وجودك ماله داعي ارجع يم امك اكيد محتاجتك تطمئنها على اختك يلا روحو

راحو الشباب وراح جهاد لغرفة براء وزين طلع يجيب شي لابوه يشربه

زين:- طلعت اجيب جاي لابويه لأن تعب هواي اليوم بسبب هاي الي اسمها براء اخذت الجاي وانطيته اله