وين أفضفضها حسرتي
بيا مسامع ؟
خاف أسولف و ألگه
جرحي معلگ بروس
الشوارع !
(احببت من لا يبالي)
(الـ part 54)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
قصي:- ابتسم اجيبج اجيبج مثل ما الله واحد... هالديمه دخلت راسي صار اشهر اني متابعها ماجاي اكدر اشيلها من راسي كمت حتى ماميز بين الحلم والواقع كد ماشاغله حياتي اعترف هاي اول مره بحياتي احس بهيج مشاعر تجاه بنيه صحيح حبيت هواي بنات وارتبطت بهواي بنات بس ولا مره حسيت تجاه وحده بكل هالمشاعر ديمه تختلف يمكن الوحيدة الي شفتها ومارغبت جسمها كد مارغبت روحها... اخخخ الله واجت الي تخليني افكر بالارتباط
ــــــــــــــــــــــــــــــــــــــــــــــــــــــــــــــــــــــــ
براء:- كاعده اعدل ملابس حبيبي بعد خمسه ايام وادخل بشهري طبعاً دالاكي صعوبه بالحركه لان صارلي شهرين اني كاعده حتى صلاتي اصليها واني كاعده عود هالشهر كمت اكدر اكوم واكعد براحتي ذيج الفتره صارت بيه خوفه منا لهنا ماكوم الا زين او البنات يساعدني كملت تعزيله وكمت على كيفي يمه احس اكو شي نايم على كلبي وحجم بطني ميساعدني على الحركه اخذت شالي وطلعت من الغرفه نازله جوه... طبعاً محاسن ضافت جو على البيت يجنن يعني اذا بنهايه الاسبوع تروح الاهلها نموت من الضوجه
نجمه:- اجتي البقره
مريم:- انجبي لج
براء:- نزلت لازمه ضهرها... صباح الخير
جميله:- صباح الطكع عيني
براء:- نزلت شعرها على ركبتها... بكلبها اوف منك زين يعني حتى اذا ميتقربلي لازم يجرم بجسمي
مريم:- تعاي يمه تريكي
براء:- كعدت
محاسن:- براء شوكت تجيبين شو طولتي
براء:- ابتسمت بعد خمسه ايام ادخل بشهري
محاسن:- ابتسمت بهدوء شوكت اجرب هالشعور
براء:- انكسر كلبي عليها قبل فتره جانت عند الدكتوره لأن تخربطت وعبالها حامل بس طلعت عدها التهابات وهالالتهابات تأخر الحمل وهي من يومها تاكل بروحها
مريم:- مسحت على شعرها انشاء الله تجربين هالشعور لمن تملين جنت مثلج
محاسن:- انشاء الله اني مؤمنه بهالشي
نجمه:- وين حجيه خوله عنجن هسه جان كالت نايمات للظهاري وعايفات مسؤوليه البيت على مريم المكروده
جميله:- والله فكدتها
شس:- هسه تجيج العصر تصيح ولج بليه
براء:- ههه والله حجيه خوله شلعتلي كلبي عسى لا شافتني نازله عبالك شايفه فايروس تضل تصرخ لحد مارجع الغرفتي يالله تسكت... طبعاً راحت من عدنه واخذت بيت بصفنه حايط على حايط وتجينه العصر لو جايبه عشاها لو خابزه وجايبه خبز ابد متدخل ايدها فارغه واحلى فقره انُ خلصت من مغثه دارين نوعاً ما... كملنه ريوك واخذت موبايلي وطلعت اخابر زين... دكيت عليه الوو ها حبيبي
