لم يكُن مثالي أو مُبهر
لكنهُ كان إنعكاسي
رأيت نفسي فيهِ
أكثر مما رأيت ذاتهُ .
(احببت من لا يبالي)
(الـ part 3)
꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷
براء:- يبووو شعدهم جاين طبعاً من يجون لازم تصير مشكله من وره بنات عمي حلا وهاله وصفا اذا كانت اكو مصيبه بحياتي فلازم تكون بسبب هل تلاثه
ناديه:- براء احاجيج وين صفنتي
براء:- ها ماما اي صار
نروح نعرفكم على عائلة غيث
غيث عنده 2 اخوان و 3 اخوات
ابو احمد الجبير عمره 58 مدير مدرسه عنده 2 بنات شهد واسل و 3 ولد احمد ومعتزل وليث
ابو حسين عمره 55محامي عنده 3.بنات حلا وهاله وصفا و ولد واحد حسين مزوج بس مكروه وعينه زايغه
اما خواته
الجبيره ندى عمرها 43 مدرسة رياضيات حبابه كولش مالها علاقه بأحد اهم شي عدها عائلتها عدها ولد واحد اسمه علي عمره 23 صديق محمد الروح بالروح يداوم وياه بكلية الصيدله
سعاد عمرها 40 ربت بيت وحده مسمومه وتسوي مشاكل وحاطه نفسها بكلشي ولا جنها اخت ندى عدها بنت روئ و ولد رائد
قمر عمرها 36 معلمه بالروضه عدها 2 ولد تؤام فهد واسد صغار بكد امير قمر تحب اخوها غيث كولش لأن هوا الي رباها ودار بالها عليها من ماتت امها وتكره براء لسبب حتعرفو بعدين
ـــــــــــــــــــــــــــــــــــــــــــــــــــــــــــــــ
عائلة جهاد
حضرو الغده وراحت نجمه تصيح اخوانها وابوها على الغده
نجمه:- يلا تعالوا صار الغده
سجاد:- تعالي تعالي شنو مسوين غده
نجمه:- تمن ومركه باميه ودجاج مشوي وزلاطه ومقبلات وخضـ......
سجاد:- اوو شكد تحجين كافي اسكتي لو ما سائلج احسن
نجمه:- اوي عيني شدعوه
كعدو على ميز الطعام يتغدون
سجاد:- يلا وين صار ابويه يعني الى هسه يخابر والله راح انطيكم دقيقه اذا ما اجه ابدي اكل معليه بيكم
قصي:- ابو بطن شبيك انتضر شويه
سجاد:- رجاءا انته اسكت مااقبل احد يناقشني لأن جوعان
لؤي:- هههه سجاد خو انت دومك جوعان
حسن:- ولاضرب شكد ياكل بس ميسمن ماعرف الاكل الي ياكله وين يروح
مريم:- اللهم صل على محمد وآل محمد شبيكم تحجون هيج شجاكم حتمرضون الولد
نجمه:- لتخافين ماما قزرقط مايصير بي
