و مرات أحسد ثيابه لأن
من عطره شبعن شمّ .(احببت من لا يبالي)
(الـ part 42)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
براء:- كمت كعدت يمه... حبيبي انت ماسويت شي هي المفروض تخجل مو انت وبعدين قصي اكيد مراح يحملك مسؤوليه الي صار
زين:- ماعرف براء لو اعرف السالفه راح توصل لهلمواصيل جان عزلت من زمان
براء:- لزمت ايده حبيبي لتضوج توكلوا على الله هو يحلها
زين:- باس ايدها... والنعم يالله
براء:- كعدت بحضنه وحضنته حيلل... اني احبك
زين:- تنفس عطرها... واني هم
براء:- شالت رأسها تعبان حبيبي تحب تنام
زين:- لا ماتعبان
براء:- باست خده اني راح انزل اساعد البنات بالغده وانت ارتاح شويه لبين مايصبون الغده واصيلحك
زين:- هز راسه
براء:- كمت من حضنه لبست دشداشه وشال ونزلت لكيت البنات واكفات بالمطبخ... اساعدجن بشي
دارين:- بعد وكت وين جنتي
براء:- بهدوء معليج انتِ
جميله:- دارين رجاءاً البيت وضعه متوتر فكعدي راحه الله يخليج لا تنرفزينه فوك ما احنه متنرفزين رحمه الاهلج
دارين:- هسه شحجيت اني شبيج
جميله:- حتى اذا ماحجيتي شي اسكتي رجاءاً
براء:- رحت انظف الخضره
دارين:- اكلجن شمسويات غده
شمس:- مالحكت اطبخ سويت ركض ركض مركه بيذنجان
دارين:- بس؟
نجمه:- حمدي ربج واشكري اكو ناس مالاكيه تاكل فلا تضلين تتبطرين وبعدين شبيها مركه البيذنجان
دارين:- مابيها شي بس اني ماحبها
جميله:- دارين احنه كلنه نحبها اذا ماتريدين هاي المطاعم تارسه الدنيا خابريهم ووصي على الاكل الي يعجبج بس لا تصرعين راسنه
شمس:- كملتي بروئه
براء:- اي
ــــــــــــــــــــــــــــــــــــــــــــــــــــــــــــــــــــ
بعد مرور 3 ساعات
نازك:- الطريق كله تبجي ماسكتت... يربي شكللهم اذا رجعت شنو موقفي كدام كرايبي اذا عرفوا... حست على صوت السياره توكف باوعت وصلوا الانبار شبسرعه