مآ مش عآفيـه بروحـُي؛
وأگلك فـدوه تغـديلك.
(احببت من لا يبالي)
(الـ part 51)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
براء:- انت وين
زين:- ليش تسألين
براء:- بهدوء جاوبني
زين:- اني استوني طلعت من المستشفى وهسه جاي بالطريق
براء:- تباوع السيارته الي تحركت ماشيه... ها يعني هستوه خلص دوامك وكبل راح تجي للبيت
زين:- اي ليش محتاجه شي
براء:- لا شكراً... سدت الموبايل... بكلبها ليش يجذب وشعنده ويه اسراء... هزت راسها كلهم نفس الصنف جذابين
نجمه:- شبيج براء ليش وجهج اصفر شنو تخربطتي
براء:- بهدوء لا مبيه شي يله امشي نشوف البنات خلصن حتى نرجع للبيت... طلعن البنات من المحل وصعدنه بالسياره راجعين للبيت... وره فتره وصلنه للبيت دخلنه سلمنه على الكل وصعدنه نبدل... زين بعده مااجه... بدلت وصليت ونزلت يم خاله نصب غده
مريم:- نجمه
نجمه:- ها يمه
مريم:- شبيها براء ليش ضايجه شنو دارين ضوجتها بالطلعه
نجمه:- لا يمه بس يجوز لأن فترينه هواي تعبت حتى اني سألتها كالت مابيه شي
مريم:- هزت راسها... بروئه يمه اذا تعبانه عوفي الشغل وروحي اكعدي
براء:- بهدوء لا خاله مبيه شي ابتسمت بتصنع... هسه بس اكل اصير زينه... سمعت صوت الجرس اكيد هو اجه ماطلعت بقيت بالمطبخ اصب والبنات يشيلن... كملت كُلشي تقريباً اخذت دولكه المي وطلعت خليتها على الميز وكعدت
جميله:- همستلها... تره زين اجه
براء:- سوت روحها متسمع... فدوه جميله صبلي كلاص مي من يمج
جميله:- اخذت الكلاص صابتلها
زين:- نزل من فوك... يباوع البراء كاعده جاا ليش ماصعدت اجه كعد يمها... همس شلونج حبيبي
براء:- ببرود زينه
زين:- تفاجئ الرده فعلها بس سكت لأن الكل كاعدين
براء:- كعدنه نتغده... كملنه غده شلنه المواعين البنات وكفن يعزلن واني رحت صبيت جاي وطلعت وزعت للكل اباوع الزين ماهو
مريم:- يمه زين صعد فوك وانتِ هم اصعدي ارتاحي بس اخذيله الجاي وياج
براء:- صار... اخذت استكان الجاي مالته وصعدت فوك... فتحت بابا الغرفه ودخلت لكيته كاعد بالصاله
