شسويتلكَ بالضبط؟
وأيدك بأيده تجي ،
كدامي من تمشي
چا ترضى حِد الصبح ،
ناگع يَضل رمشّي.؟!
(احببت من لا يبالي)
(الـ part 35)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
قصي:- بعصبيه احترم نفسك زين شلون تحاجي مرتي هيج
زين:- ببرود من انت تلزم مرتك وتفرك حلكها فركه زينه حتى ماتضل تلطش بالحجي وتحترم نفسها وتبطل تفكر تسوي مشاكل بالبيت وتتحارش بمرتي ساعتها اني اراعي كلامي
قصي:- حتى اذا مامن حقك تحاجيها بهالاسلوب لو مهما تسوي
جهاد:- كافي سدوا الموضوع وانتِ نازك اكيد مشتبهه وتصرفج غلط ويه مرت حماج واخوج لازم تعتذرين لأن اتهمتيها
نازك:- بس
زين:- سؤال واحد وجاوبيني عليه انتِ شفتيها بعينج تاخذه
نازك:- ها
زين:- ببرود انتِ شفتي براء تاخذ الذهب من غرفتج وتطلع
نازك:- بكلبي خلص انسحبي نازك... زين حصرج بزاويه مامنها مخرج... لا ماشفتها
زين:- خلص اذا مالج حق تتهميها فيستحسن تعتذرين على تصرفج السخيف هذا لأن انتِ جبيره واعتقد لو متزوجه من زمان جان عندج هسه دستت جهال فعوفي سوالف الزعاطيط واهتمي برجلج وبحياتج الزوجيه وعوفي سوااف الجناين والعداوات احسن الج
جهاد:- خلص سدوا الموضوع وانتِ نازك اعتذري من براء
نازك:- اسفه براء موقصدي اتهمج بس من قهري على الذهب ذبيتها براسج
زين:- اخذت ايد براء بصوت عالي وحاد... ياريت الكل يفتح اذنه زين ويسمعني اذا تكرر هيج موقف لو سمعت مرت قصي او أي احد متعرض لمرتي قسم بالله اخذها واعوفلكم البيت واطلع وتدرون بيه اذا حجيت شي انفذه وما اتراجع عنه لو تنكلب الدنيا
قصي:- شدعوه عليك سوء تفاهم وصار شصار يعني
زين:- والله عاد اذا انت عندك عادي يهينون مرتك اني لا احترام مرتي من احترامي والي يفكر يدوسلها على طرف ويأذيها احسب الله ماخلقه واتعامل وياه بأسلوب ابن الشارع مايتعامل بيه... اخذتها وصعدت
خوله:- ها فاخت دودتج لو لا
مريم:- يمه
خوله:- كمت وغمه اي والله لو منج اطيها لطمه على حلكها ولعبات لهالخلقه الي يشوفها يكول بت فكر ماشايفه ذهب ولا جن ابوها شيخ كليت الدنيا على جم قطعه ذهب وصخونه مال حصونه تلفج وتخلصنه من شرج ام المشاكل
