باچر من يعن الشوگ و يحن
الگلب و يريد ، وين ألگاك
يـ الذبك زماني بعيد !
(احببت من لا يبالي)
(الـ part 53)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
براء:- اجيت ادنه عنها دفعني حيل... نعوج الكعب ووكعت على بطنها كدام السياره وبقوه... لزمت بطنها صارخه اااااه
حنان:- استوني طلعت من القاعه وشفت براء واكفه على صفحه صارت هوسه ومدافع وماشوف غير براء اندفعت واكعه على دعاميه السياره رحتلها اركض... وخرن وخرن براء اتأذيتي شو بس باوعيلي
براء:- بألم بطني بطني
حنان:- يمعودات بسرعه روحن صيحن الزين بسرررررعه الله يخليجن
المره:- منو زين
حنان:- استغفر الله خاله بس اوكفي يمها هسه ثواني واجي عفتها ورحت اركض ادور على زين... شفت محمد... محمد حباب وينه زين
محمد:- راح يجيب سيارته شتريدين منه
حنان:- بخوف براء وكعت على بطنها وانضربت بالسياره عفيه روح صيحله خلي يجي ياخذ براء للمستشفى لتطرح
محمد:- امشي بسرعه اني اخذها يادور عليه الدنيا مكلوبه وين الكاه هسه... تعاي بسرعه... راحوا ركضوا وصلوا لكوا براء تبجي والكل مجتمع عليها... خويه وخروا الله يخليكم... بروئه حبيبتي شبيج بس فهميني شيوجعج
براء:- بدموع محمد بطني حموت من الالم
محمد:- تعاي نروح للمستشفى يله
براء:- متكدر تتحرك من الالم بس تبجي
محمد:- شالها بسرعه موديها للسياره صعدها وراحوا هو وحنان ماخذيها الاقرب مستشفى
حنان:- براء خو معندج نزف
براء:- لازمه بطنها ومبنده من البجي... مادري مادري عفيه محمد استعجل راح اموت الله يخليك
محمد:- صلي على محمد مابيج شي انشاء الله... وره ثلث ساعه وصلنه المستشفى نزلناها بسرعه ماخذيها للدكتوره
الدكتوره:- اجتي بسرعه خير شبيها
حنان:- دكتوره وكعت على السياره واتأذت بطنها وهي حامل
الدكتوره:- انسحكت يعني
حنان:- لا لا بس نضربت بمقدمه السياره
الدكتوره:- دخلوها لجوه بسرعه بسرعه
محمد:- كعد بره ماسح على راسه يارب كون مابيها شي
الدكتوره:- دخلت فحصتها بسرعه... بعد فتره نطقت بأسف ماكو نبض الطفل مات العوض بسلامتج
ــــــــــــــــــــــــــــــــــــــــــــــــــــــــــــــــــــــــ
