احببت من لا يبالي💞
البارت الاول🤍
الڪاتبه ᯓ 𓆩 𝑩𝒏𝒐 𓆪 🇮🇶
꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷
دك صوت اكثر شي اكرهه بالحياة والي هوه المنبه انطيته غفوه ورجعت كملت نومتي رجع دك مره ثانيه اوف كايمه كايمه الله ياخذ المدرسه وساعتها نزلت من غرفتي وشفت امي صباح الخير ماما
صباح النور يلا بدلي وتعالي تريكي
اي هسه بس اغسل وجهي.... رحت ابدل ملابسي والي هي صدريه سوده وقميص ابيض وشال اسود
اعرفكم بنفسي
اسمي براء عمري17 طالبه بـ خامس علمي بس للأسف سمينه شكلي بيضه وعيوني صفر وشعري بني... عندي 2 اخوان واخت وحده اخويه الجبير
محمد:-عمره 23 طالب بالكلية صيدله واني بعده
روان:-عمرها 15 صف ثالث متوسط
امير:-اخر العنقود عمره 13 واكثر شخص احبه
اما والدي عمره50 موضف بشركه
والدتي عمرها44 موضفه بس من تزوجت تركت الشغل
براء:-صباح الخير
الكل:-صباح النور
روان:-اي عيني شكو عليج تبدلين وتجين تتركين عبالج خدم عندج احنه
براء:-تجاهلتها كل عاده لأن اذا جاوبتها حتصير مشكلة اسكت احسن الي
امي:- كافي روان مو بدينه من الصبح
بابا:- شبيج وياها قابل شكالت اي ميصير براء كاعده وتريد الناس تخدمها
براء:- طبعاً لازم اسمع الكلام الي مثل السم كل يوم عفت الاكل.... سفره دايمه اني حروح للدوام
محمد:- انتظريني اني اوصلج
براء:- بابتسامة صغيره شكراً حمودي هياتها المدرسة اريد اتمشى
محمد:- براحتج حبيبتي
براء:- طلعت اتمشى للمدرسة هاي حياتي لازم تبدأ بهاي الاسطوانه كل يوم اكول ليش والى متى روان تضل هيج وابويه واكف بصفها دائماً ضدي مع انو اني مالي علاقه باحد ووقتي كله بغرفتي حتى اختلاط معندي لا باهلي ولا بالناس الي مااعرفهم علاقتي سطحيه وي الكل حتى صديقات معندي لأن الكل يكول مغروره وشايفه نفسي بس اني مو هيج اني ملكيت الي يقربني منه حتى احجي واصير اجتماعيه يلا الحمدالله اهم شي الله راضي عليه وهذا اهم شي بالدنيا
وصلت للمدرسة دخلت الصفي وكعدت ارجع دروسي دك الجرس ودخلت المدرسة وبدات تشرح وحصه وره حصه لحد مخلص الدوام طلعت واني دامشي شفت امير
براء:- ها حبيبي اموري ليش جاي مشي لعد وين السايق مالتك
امير:- هلا بروئه شلونج عطلت السيارة فأجيت مشي
