إجّيتك حتِى ترّجعلي
رجَع بِس عُطرك ويّاية
إجَيتك يَالچِنت تگدرّ
وضَعنا تحِلى بحچّاية .
(احببت من لا يبالي)
(الـ part 39)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
نازك:- فزت من مكانها منزله القميص... هاا
مريم:- شنو ها شعندج هنا وشيسوي قميص زين عندج أصلاً شدخلج للغرفه انتِ
نازك:- يمه لا تسأليني رجاءاً
مريم:- ويمامه بعينج شجنتي تسوين بغرفه ثنين متزوجين ماتستحين شهالتطفل
نازك:- ردت اشوفها
مريم:- بأستهزاء ردتي تشوفيها... قميص زين شعنده على وجهج؟
نازك:- كعدت... يمه انتِ مو تكولين اني بنتج وسولفيلي كلشي واني اساعدج
مريم:- اي اسمعج يبتي فسريلي سبب وجودج بغرفة حماج ومرته
نازك:- نزلت دموعها... يمه اني لسه احب زين وماشلته من راسي
مريم:- لج انتِ شنو استغفر الله لج امي هذا حماج حماج يحرم عليج حرمه اخوج شهالتفكير السخيف هذا
نازك:- بصياح احبه شسوي فهميني احبه اموت عليه اتمنا امنيه اريده تخيلي واني بفراش رجلي اتخيله ه... بعدها مامكله كلامها وحست بأيد تضرب وجها
مريم:- صفكتها راشدي... الله يطيح حظج ياقليله الادب ياعديمه الشرف اكو وحده تحجي هيج على حماها لا وتحجيها وهي مفتخره لج انتِ اقذر منج ماكو... لزمت راسي والله كله صوجي اني اني الي جبتج وخليتج ببيتي ياماتستاهلين لج لو فاضحتج ومطلعه سوالفج اشرفلي رحت جبتلي وحده ساقطه وخليتها ببيتي
نازك:- مسحت دموعها لا تغلطين انتِ كلتيلي احجي الي بكلبج واني فتحتلج كلبي مامن حقج تضربيني فهمتي
مريم:- اني كتلج اعتبرج بنتي ولو بنتي تسوي هيج انهيها والله وانعل ابوها يابو حتى الجابها شعبالج لو بنتي تسوي سوايتج اسكتلها
نازك:- حتى اذا مايحقلج تحجين بهالطريقه وياي فهمتي اني احبه واريده واتمنا وحتى بفراشي اتخيله شتريدين بعد وجيتي لهاي الغرفه جريت القميص من ايدها خلته على وجهه بس حتى اشم عطره وانام بفراشه كتلج وارجع اكول اني اريد زين سواء جان قابل او ماقابل
مريم:- هزت راسها شكد صلفه انتِ عمري وحياتي ماشفت ولا راح اشوف بصلافتج تدري هسه انتِ تحجين واني نفسي لعبت انتِ ماتستاهلين قصي اصلاً جريمه وحده مثلج تاخذ هيج انسان لج اشوف هالايام يباوع الحكلج شتريدين وشتعتازين لج حتى عينه الزايغه ضمها يكلي يمه خلص بعد اني لازم اركز بحياتي ويه نازك طيشي قبل شي راح وانتهه واني قصي الجديد الخاطرها لج والله من اتذكر حجيه واشوفج هسه تحجين على اخوه كلبي ينمرد مرد
