الڪاتبه ᯓ 𓆩 𝑩𝒏𝒐 𓆪 🇮🇶
أتيتُ نحوكَ لمَّا الدَهر أتعبني
فمَا لبثتُ و زادت بي جراحَاتي
إنّي أتيتُ بأشتاتي لتجمعهَا
ما لي أراكَ وقد شتّتَ أشتاتي ؟
(احبيت من لا يبالي)
(الـ part 4)
꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷
بعد مرور يومين
10:00 صباحا
براء:- اليوم حروح لبيت خالو جهاد الي لحد هسه مشايفتهم من لما جنت طفله طبيت سبحت وطلعت ادور بالكنتور على اي شي مرتي ومستور عكس روان الي من البارحه حضرت ملابسها ماعرف على شنو متحمسه اخذت تنوره بينصل لا ضيكه ولا عريضه مرتبه لونها اسود وقميص سمائي وشال اسود وجنطه سوده بيها لؤلؤ سمائي وحذاء سمائي (تكرمون) لبست ووكفت على المرايه الف شالي طبعاً بدون ماخلي ولا قطرت مكياج ونزلت جوه اشوفهم كملو
شفت روان الحمدلله اليوم محترمه نفسها ولابسه ملابس مستوره تخاف خاف محمد ميخليها تروح
براء:- صباح الخير
الكل:- صباح النور
محمد:- يلا اذا كملتو خلو نطلع عيب نوصل الضهر
الكل:- اي يلا
براء:- رحنه اني وماما وروان وامير ويه بابا ومحمد ح يلحكنه بسيارته لأن متكفي سيارة بابا
وره نص ساعه وصلنه المنطقه تجنن كولها بيوت ضخمه اني الي عايشه بهل مدينه مشايفتها وكف بابا كبال بيت عمو (قصر) كولش جبير المنضر الخارجي يدل على ثراء الساكنين بيه نزلنه شفنه اكو حرس داير مداير البيت كلت بكلبي شهلمبالغه تره البيوت البسيطه هم حلوه
شافو ابويه وفتحوله الباب حتى يدخل سيارته بالكراج الي داخل البيت احنه دخلنه وبابا راح يصف السياره دكت ماما الباب الداخلي فتحتلها وحده طويله و وجها طفولي سلمت على ماما وروان وبوستهم وشافتني وكالت
نجمه:- عمه منووو هاي الحلوه
ناديه:- هاي بنتي الجبيره براء
نجمه:- حبيبتي شهل جمال تعالي انطيني بوسه
براء:- اجتني باستني ومركرصتني من خدودي مبينه كولش اجتماعيه ولطيفه
دخلنه للبيت الي جان بدايته عباره عن صاله جبيره حاطين بيها اثاث وميز طعام وتحفيات شكلها غريب بس حلوه والاثاث كوله ملكي بحيث مخلي البيت يضوي اول ما دخلنه شفت خالاتي وخوالي ونسوانهم وبيبيتي
خلي نعرفكم على عائلة ناديه عدها 2 خوات و 3 اخوان
خالده الكبيره عمرها47 مزوجه وعدها 2 بنات تقى وبشرى
ابتهال عمرها 40 مزوجه وعدها 2 ولد صادق وبارق وبنيه وحده حنان
اخوها الجبير جهاد عمره 30 مزوج شمس وعنده طفل واحد اسمه ايفان شكله مثل كل العراقيين طويل طوله 183 ووزنه 83 اسمر بعيون بنيه
