و أفتخر بيه ويه روحك ،
واني وي روحي أضل بيك
أفتخر .
(احببت من لا يبالي)
(الـ part 48)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
زين:- ببرود مو هو اجه اخذها لأن عرف
حسن:- كمل كلامك
زين:- اي فبعد ماعرفت الي سوو بيها رحت جبت ابن عمها وسويت وياه اللازم ومن ابوها عرف اني الي ضاربه اجه خذاها وراح عباله راح اروحله اتوسل يرجعها مايدري اذا طخت ببالي اخبزه هو واهله وانعل والديهم
سجاد:- يعني انت سويت بحسين هيج؟
زين:- ببرود:- اي
قصي:- وانت وين شفته؟
سجاد:- شفت ابو محمد ناشر بالفيس وهو بالمستشفى طالب من الناس يدعوله لأن حالته حرجه واني كل عبالي ضاربته سياره طلع زين الي ضاربه
قصي:- شو اوكف طلع موبايله داخل على الفيس... دخل على صفحه ابو براء وفك حلكه... لك هاي شمسوي بالرجال صدك تحجي
براء:- ببرود يطبه مرض هاي تالي الي يلعب بأعراض العالم
سجاد:- هاي همه مزيني صفر لو انت
زين:- اني
لؤي:- ههه اللهم لا شماته طالع جنه ديج مهلس
جهاد:- مايجوز ابني لاتظهر الشماته لاخيك فيرحمه الله ويبتليك
لؤي:- العفو يابه
حسن:- والله عاشت ايدك قسم بالله ينشد بيك الظهر انت
جهاد:- انت مأيده يعني شهالخبل... باوع الزين ابني شهالعنف هذا صحيح هو غلط بس مو مال تضربه هالضرب المبرح مايصير مافكرت يعرفك ويشتكي عليك
زين:- ببرود خلي يشتكي شنو خايف منه هو غلط ولازم يتحمل نتيجه غلطه
جهاد:- انت ماتتناقش والحجي وياك دوه
خوله:- يمه جهاد تره ابنك حقه منو يقبل الى سواه هالحقير سواء جانت المقصوده قريبه منه او بعيده مو انوب مرته ويسكت أصلاً لو اني بمكانك ابوس ايده
مريم:- تنهدت زين هسه شلون
جهاد:- خلي الوضع يهدئ هاليومين وبعدين نروح نتفاهم وياه
زين:- بعصبيه شنو يومين اليوم نروح نجيبها اني ماأمن اخليها هناك
جهاد:- هو ابوها اكيد ماراح تخاف عليها انت اكثر منه
زين:- شلون ابو هو فلس مايسوه
جهاد:- عيب عليك رجال بكد ابوك مايصير تحجي عليه بهالطريقه تأدب
