بس أنت ردتك من چنت
ما بین الأحلام أفتر .
(احببت من لا يبالي)
(الـ part 47)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــــــ
نجمه:- وين براء جبنالها كنافه مو جانت مشتهيتها رحنه جبنالها واجينه
جميله:- تنهدت ماهي اجه ابوها اخذها وراح
مريم:- بأستغراب ليش خذاها
خوله:- الحقير تهجم علينه وسحولها تسحول خطيه وخذاها والمشكله مانعرف ليش الله لا يوفقه حتى ضربها يعسى بيده الكسر انشاء الله
مريم:- لطمت على صدرها... ليششش وزين دره
شمس:- اي خابرته جميله واني خابرت الولد كلتلهم يلحكون زين لايروح يسوي شي
مريم:- يعني راحلهم هسه هو
خوله:- لا لأن حتى احنه مانعرف وين خذاها وجاي ادك على ناديه ماترد
نجمه:- عود شنو معناها هالتصرفات ماستحه على روحه يتعدى على حرمه بيت مابي زلم
جميله:- والله مادر... اندك الجرس كامت بسرعه فتحته دخل زين بسرعه
زين:- بعصبيه وينها وينننن خذاهاااا
جميله:- والله مادري
زين:- وانتن وينننن جنتن هاا شلوووون تخلنه ياخذهاا وهي أصلاً شلون تقبل تروح وياه بدون ماتكلي شنو هي سايبه
خوله:- ولك بيبي خذاها غصب ومن ماقبلت تروح وياه كفخها تكفخ وسحولها وهي خطيه خافت على روحها فأنجبرت تروح وياه
زين:- نطت عيونه... ضربها؟
خوله:- اي كسر بأيده انشاء الله
مريم:- تباوع الزين عيونه صارت براسه... اهدئ يمه هسه يجي ابوك وتروحون تش... بعدها مامكمله عافها وطلع يركض
زين:- طلع جر الحرس... بحده شلوووون تخلووون مررررتيي تطلعععع بدووون ماتكلوليييي انيييي المنننننن خالكمممممم هناااااا شنوووو بسسس تاااخذوووون رواتببب وانتووووا كاعدين وين شغلكمممممم
الحرس:- سيدي والله مدامتك هي الكالت والدتها متخربطه ورايحه تشوفها وانت عندك علم
زين:- دفعهم مشغل السياره حسابكم من ارجع مو هسه... اخذ سيارته وطلع بسيطه ياغيث اني تضرب مرتي واضل ساكت والله لزينه الشاربي ومانحسب على الزلم اذا مانعل والديك واخليك تبوس القنادر داس بريك متوعد الهم
ــــــــــــــــــــــــــــــــــــــــــــــــــــــــــــــــــــ
براء:- كاعده بغرفتها وتنحب وتبجي
